Новата промена во начинот на кој функционира блок функцијата на социјалната мрежа Х предизвика бурни реакции кај корисниците, со предупредувања дека оваа промена може да загрози многумина.
Имено, социјалната мрежа X најави промени кои ќе им овозможат на блокираните корисници сепак да можат да ги гледаат објавите на оние кои ги блокирале, доколку тие објави се јавни.
Оваа промена, која се очекува наскоро да стапи во сила, предизвика бурни реакции и незадоволство кај корисниците на платформата.
DM blocking and DM unblocking now also supported in the X API v2 using the following new endpoints:
— Tapan Shah (@tapshah21) September 23, 2024
1. POST /2/users/{target_user_id}/dm/block
2. POST /2/users/{target_user_id}/dm/unblock
documentation updates to follow. https://t.co/mOI2RN5MOt
Корисниците на социјалната мрежа изразија сериозна загриженост за оваа објава, посочувајќи дека блок функцијата не е само средство за избегнување непријатни интеракции, туку клучна алатка за заштита од вознемирување и потенцијално опасни луѓе. Еден корисник предупреди: „Безброј луѓе ќе бидат ставени во дефинитивна опасност“, алудирајќи на можноста дека таквата промена може да ја загрози безбедноста на многумина на платформата.
Soon we’ll be launching a change to how the block function works.
— Engineering (@XEng) October 16, 2024
If your posts are set to public, accounts you have blocked will be able to view them, but they will not be able to engage (like, reply, repost, etc.).
Оваа промена на функцијата за блокирање на X може да ги стави луѓето во ризик бидејќи им овозможува на блокираните корисници да ги следат активностите на оние што ги блокирале. Ова го зголемува ризикот од вознемирување, прогон и злоупотреба на информации, ја нарушува приватноста и создава чувство на несигурност кај корисниците кои очекуваат да бидат заштитени доколку блокирале некого.
Во својата објава, инженерскиот тим на X наведе дека блокираните корисници нема да можат да лајкуваат, одговараат или споделуваат објави, но сепак ќе имаат пристап до нивната содржина доколку е поставена како јавна. Ваквата одлука е оправдана со тоа што, според нив, „блок функцијата би можела да се злоупотреби за споделување приватни информации“, па корисниците треба да бидат свесни кој и зошто ги блокира.
Многумина истакнаа дека оваа промена во суштина ја укинува разликата помеѓу опцијата за блокирање и исклучување, што овозможува содржината да биде скриена без да го извести корисникот. Исто така, промените под водство на Илон Маск се повеќе доведуваат до намалување на транспарентноста на платформата, додека овие одлуки често се директно поврзани со неговите лични ставови за слободата на изразување.
Иако точниот датум на имплементација на промените сè уште не е познат, се очекува дека X корисниците кои сакаат да избегнат малтретирање ќе бидат принудени да ги променат своите поставки на приватна сметка или да се префрлат на алтернативни платформи кои сè уште нудат функција за целосно блокирање, како на пр. Блуски.