Мала просторија и тесен ходник

Малата соба може да се зголеми со огледалото каде и да го поставите. Истото може да го направите и со долгиот, тесен ходник на којшто ќе ставите огледало на ѕидот. Немојте да поставувате огледало едно спроти друго затоа што така ќе ја заробите енергијата која ќе се одбива една од друга и ќе останете заробени во тој простор, објаснуваат фенг шуи експертите.

Ходник

Најдобро е да го поставите огледалото вертикално со влезната врата или на бочен ѕид. Најголема грешка е огледалото да го ставите спроти влезната врата затоа што така се рефлектира влезот на цела енергија.

Скали

Поставување големо огледало на ѕид до скали визуелно ќе ги прошири, особено доколку скалите се тесни. Тоа исто така ќе создаде среќа и ќе помогне добрата енергија да се „движи“ по скалите. Не се препорачува ставање огледало во подножјето на скалите затоа што тоа ги „пресекува“ нозете и кога се качувате и кога се спуштате по нив.

Тоалет

Огледалото не треба да ја рефлектира ВЦ-школката ниту да ја „сече“ главата кога некој во него се огледува. Некои препорачуваат огледалото да го ставите во полна должина на вратата од тоалетот од надворешната страна. Така ќе изгледа како тоалетот да „исчезнува“.

Кујна

Во неа, според фенг шуи не се препорачува да ставате огледало.

Спална соба

Не се препорачува огледалото да го поставите така што да се рефлектира креветот затоа што тоа носи лоша енергија, а не треба да го поставите ниту над креветот. Според фенг шуи така поставеното огледало може да биде виновник за лош сон, но и проблеми во бракот.