Се расфрла со милиони, а постојано оди бос: Кој е Зевс, најмистериозниот човек на светот?

Но, зад тој „Instagram мит“ се крие многу повеќе – станува збор за исклучително успешен професионалец со богата кариера во правото, недвижнините и забавната индустрија.

Роден на 22 ноември 1971 година во Париз, Илан потекнува од мешано француско-мароканско-италијанско потекло.

Од 1999 година Тобијанах ја основал и ја води адвокатската канцеларија „Mot et Associés Immobilier“ (понекогаш позната и како „Moet & Associates“), специјализирана за трансакции со луксузни недвижности. Иако конкретните проекти не секогаш јавно се потврдуваат, се спомнуваат инвестиции во обновата на „Hotel de Crillon“ во Париз, како и учество во купувањето на лондонскиот „Canary“.

Под името „Зевс“, Тобијанах ја привлекува светската јавност со својот раскошен живот – неговите профили на „Instagram“ и „TikTok“ се исполнети со фотографии од егзотични дестинации, скапи автомобили и "high-fashion" комбинации. На „Instagram“ има над два милиони следбеници, а „TikTok“ исто така е една од неговите клучни дигитални платформи за влијание.

Тука започнуваат и контроверзиите – дали Зевс е вистински милијардер или „само“ мултимилионер? Според различни извори, неговото нето богатство се проценува помеѓу 30 и 60 милиони долари.

Она што дополнително ја зголемува мистеријата е неговата приватност. Не е јавно познато дали е оженет, иако дел од медиумите тврдат дека има сопруга и две деца. Тој никогаш директно не се изјаснил за својот љубовен статус, но често објавува снимки со Ребека Восу, за која се претпоставува дека е неговата сопруга. Убавата бринета на „Instagram“ се претставува како Афродита, грчката божица на убавината. Еднаш, Тобијанах покрај нејзина фотографија напиша: „Зад секој успешен маж стои успешна жена.“

И додека таблоидите неретко ги пренагласуваат неговите финансиски факти, едно е сигурно – Илан Тобијанах несомнено се вбројува меѓу најинтригантните личности на современиот свет.