Инцидентот што се случил свадбата брзо стана една од најпопуларните теми на социјалните мрежи во Турција. Младоженецот, кој наводно не спиел два дена се онесвестил за време на еден од најпосебните моменти на свадбата, односно при сечењето на тортата, пишуваат турските медиуми.

Едвај го одржале на нозе

Невестата и младоженецот, во придружба на нивните гости, чекореле кон сцената, за време на церемонијата на сечење торта, кога младоженецот одеднаш изгубил рамнотежата. Снимката направена со мобилен телефон покажува маж како паѓа во насока на тортата, но во последен момент бил спречен од присутните гости. Младоженецот, неговата невеста и роднините се бореле да го држат исправен додека тој бил на раб на колапс.

Снимката стана вирална

Снимката споделена на социјалните мрежи го покажува младоженецот како одеднаш побледува, со затворени очи се сопнува, ја губи рамнотежата и паѓа нанапред. Невестата и гостите се обиделе да го придржат, а снимката е споделена илјадници пати.

Меѓутоа како што пренесоа турските медиуми, подоцна се дознало дека мажот не спиел два дена поради стресот и напорот од подготовките за свадбата. Тој сега наводно е во добра здравствена состојба и брзо закрепнува.