Една неодамнешна студија од САД ги анализираше здравствените податоци и сексуалниот живот на 14.542 мажи и жени.
Студијата покажа дека жените на возраст од 20 до 59 години кои имале секс помалку од еднаш неделно имале 70 отсто поголем ризик да умрат во рок од пет години во споредба со оние кои имале секс повеќе од еднаш неделно.
Утврдено е дека жените кои имаат помалку секс имаат зголемено ниво на протеин поврзан со воспаление, што може да предизвика оштетување на здравите клетки, ткива и органи.
Авторите на студијата од Универзитетот Валден во Пенсилванија веруваат дека сексот придонесува за добро здравје на срцето, „веројатно со намалување на варијабилноста на отчукувањата на срцето и зголемување на протокот на крв“.
Тие заклучија дека жените имаат корист од секс повеќе од еднаш неделно или околу четирипати месечно, пренесува „Сан“.
Самиот чин претходно беше поврзан со безброј здравствени придобивки, вклучувајќи подобар сон, подобрена функција на мозокот и помлад изглед.
Сепак, истражувачите брзо забележаа дека иако сексот може да го подобри здравјето, може да биде и дека луѓето со лошо здравје имаат помалку можности за секс.
Извештаите покажаа дека околу 95 отсто од учесниците имале секс повеќе од 12 пати годишно, а 38 отсто го правеле тоа еднаш неделно или повеќе. Интересно, тимот исто така открил дека луѓето со депресија кои имале секс помалку од еднаш неделно имале 197 отсто ризик од рана смрт.
Д-р Сриканта Банерџи, еден од авторите на студијата, сугерира дека тоа е затоа што лицата со депресија, но со висока сексуална фреквенција не ги чувствуваат толку негативните ефекти од депресијата.
„Сексот ослободува ендорфин кој може да спречи сериозни здравствени последици“, рекол тој.
Од друга страна, студијата исто така покажа дека мажите кои имаат многу секс всушност си нанесуваат повеќе штета отколку корист.
„Со висока сексуална фреквенциа, мажите имаат шестпати поголеми шанси да доживеат зголемена смртност од жените“, рекле истражувачите.
Ова беше точно дури и кога истражувачите ги отстранија променливите како што се здравјето, однесувањето, занимањето, приходот и етничката припадност.
За време на сексот, телото ослободува адреналин и кортизол во крвотокот, што резултира со зголемен пулс и крвен притисок. Затоа, повеќекратниот секс го зголемува и ризикот од кардиоваскуларни болести, покажаа некои студии.