Според Американското психолошко здружение, анксиозноста е емоција која се карактеризира со чувство на напнатост, загрижени мисли и физички промени како зголемен крвен притисок.
Луѓето кои страдаат од анксиозни нарушувања обично имаат повторливи наметливи мисли или грижи, па се склони кон избегнување на одредени ситуации.
Според „National Health Interview Survey“, речиси 10 отсто од луѓето изјавиле дека се чувствувале благо вознемирени во период од две недели во 2019 година. Повеќе од 5 отсто рекле дека доживеале умерени или тешки симптоми на анксиозност.
Сепак, повеќе од 84 отсто од испитаниците рекле дека не доживеале симптоми на анксиозност или дека минимално ги чувствувале.
„Анксиозноста станува нарушување кога долго време влијае на нашето секојдневно функционирање. Може да го промени нашето расположение, сон, нивото на активност, социјалните ангажмани, па дури и способноста да се грижиме за себе“, предупредува психотерапевтката Ерика Хорнтал за „Parade“.
Терапевтката Ана Асланијан советува да се фокусираме на позитивните работи.
„Понекогаш е корисно да се гледаат позитивните страни наместо постојано да се фокусираме на проблемите“, вели таа.
Експертите истакнуваат 11 навики на луѓето кои никогаш или ретко чувствуваат анксиозност.
1. Тие практикуваат прифаќање. Невозможно е да се помине низ животот без да се чувствувате вознемирени. Луѓето кои се ретко анксиозни ја препознаваат и прифаќаат оваа вистина.
2. Имаат дневна рутина или ритуал.
3. Тие се самосочувствителни.
4. Спијат доволно.
5. Физички се активни.
6. Ако се загрижени, зборуваат за тоа.
7. Водат дневник.
8. Тие знаат дека мислите не се факти.
9. Свесни се за своите вредности.
10. Ги почитуваат личните граници.
11. Се едуцираат за анксиозноста бидејќи тоа може да им помогне да ја намалат.
„Читањето за анксиозноста и учењето за неа може да ви помогне да сфатите дека тоа е нормално и дека има многу алатки кои можете да ги користите за подобро да управувате со неа. Знаењето ви помага да донесувате подобри одлуки“, истакнува Асланијан.
Книгите за самопомош може да бидат корисни, но Асланијан исто така предлага да контактирате со терапевт. „Индивидуалната терапија може да помогне да се зајакне и примени она што сте го прочитале и научиле“, заклучува таа.
