Поради климатските промени остануваме без чоколадо?! Ефектот на фосилните горива врз затоплувањето на планетата можеби нè остава без кафе, пиво и слатки

Точка

21/02/2024

10:59

10.685

Големина на фонт

а а а

Можете ли да замислите ден без кафе, какао или чај? Можете ли да замислите прослава без наздравување со чаша од омилениот пијалак или посета на блиските без чоколадо в рака?

Па, доколку не промениме некои секојдневни навики, во рок од неколку години ќе мора да се навикнеме на тоа!

Звучи неверојатно, но светските истражувања покажуваат дека би можеле да останеме без кафе, чоколадо, па дури и пиво, риба, компири и многу други производи во следните 50 години. И нема да има нови да ги заменат, бидејќи нема каде да растат.

Природата ни дава сигнали дека растенијата и животните кои се основата на овие наши задоволства би можеле да исчезнат од лицето на земјата, поради влијанието на климатските промени, кои мора да ги разбереме за некако да ги спречиме.


Магазинот „Mirror“ објави студија која покажува дека чоколадото, млекото, авокадото и морските плодови, вклучувајќи ја и рибата, би можеле да исчезнат за помалку од 100 години.

„Поради ова знаење, треба да станеме многу посвесни за здравјето и да го насочиме нашиот фокус на одржливост и етика. Поради климатските промени, веќе бележиме драматичен пад на бројот на какао дрвја, па многу е можно чоколадото природно да исчезне од нашата исхрана. Истражувањата покажуваат дека 60 отсто од 124-те познати видови кафе се на работ на истребување. За 40 години, Гана и Брегот на Слоновата Коска, кои сочинуваат две третини од светскиот извоз на кафе, очекуваат просечен пораст на температурата за два степени. Поради глобалното затоплување, земјата погодна за одгледување кафе веројатно ќе биде преполовена до 2050 година. Се очекува дека дивите видови на кафе целосно ќе исчезнат до 2080 година“, пишува „Мирор“.


Кога станува збор за рибата, таа исто така станува се помалку, а истражувањето на Би-Би-Си вели дека уловот во светот е намален за пет проценти. Во некои мориња каде што има забележлива промена на температурата, уловот е намален за една третина!

Во неволја се и компирите без кои речиси ниту едно домаќинство не може да замисли оброк, бидејќи поради сушите речиси би можело да исчезне. Само едно топло лето во 2018 година во Велика Британија предизвикало намалување на родот на компирот за четвртина, додека секое овошје е помало за три сантиметри, објавија британските медиуми.

Истиот проблем ги мачи и производителите на пиво од Чешка до Америка. Тие се соочуваат со двоен проблем – со недостиг на вода и пропаднати посеви поради сушата.


Можеби некој ќе каже дека можете без сето горенаведено, но прво размислете: зад драматичните промени во глобалниот синџир на исхрана стојат стотици илјади луѓе кои ќе ги загубат средствата неопходни за опстанок, а потоа следува: глобален пораст во цените поради неуспешните жетви, повеќе гладни луѓе, хуманитарни кризи, политичка нестабилност. Значи, тоа не е само шолја утринско кафе.

Поради сето ова, важноста на борбата против климатските промени ја препознаа и претставниците на 196 земји членки на Обединетите нации, кои во 2016 година го потпишаа Парискиот договор за климатски промени. Тие поставија цел, ако не можеме да го спречиме, барем да го одржиме зголемувањето на просечната температура во светот на еден и пол степен годишно.


„Сообраќајот е еден од главните загадувачи, кој не само што го загадува воздухот туку создава и ефект на стаклена градина и ја прави атмосферата сè пожешка. За да се запре овој ефект, важно е да се намали употребата на мотори со внатрешно согорување. Покрај тоа што е важно секој од нас што поскоро да размисли за електричните возила, уште поважно е бројните транспортери на суровини и готова храна да го електрифицираат својот транспорт“, пишува порталот за зелена енергија „State of Green“.




Спонзорирани линкови

Маркетинг