Без разлика дали станува збор за добра генетика, дисциплина или посебни ритуали за нега, овие познати дами ја пронашле формулата со која како да го запираат времето и изгледаат барем двојно помлади.
За нив, педесеттите, па и шеесеттите, се само бројка што воопшто не ги ограничува. И тоа не е сè. Некои холивудски ѕвезди и по педесеттата или шеесеттата година изгледаат речиси исто како своите многу помлади колешки. Секоја има свој рецепт за одржување на одличната форма, но ниту една не може без физичка активност.
Пејачката Џенифер Лопез не се откажува од тренинзите за сила, а танцот и исхраната богата со протеини исто така заземаат важно место во нејзиниот живот.
Слично е и со актерката Хали Бери, која во последните години во својата програма воведе вежби со поголемо оптоварување.
Ѕвездата од серијата „Пријатели“, Џенифер Анистон, комбинира тренинзи за сила со функционални вежби, додека Деми Мур, поранешната сопруга на актерот Брус Вилис, дури во последните години стана малку поблага кон себе, по долги години строги диети и напорни тренинзи.
Супермоделот Хајди Клум (53) во интервјуата истакнува дека најмногу верува во природното движење. Сака да биде активна и не седи долго на едно место.
Нејзината колешка од светот на модата, Синди Крафорд (60), пак, редовно комбинира пилатес и тренинзи за сила.
Актерката Софија Вергара (54) вежба со личен тренер и главно се насочува кон зајакнување на мускулите, додека Денис Ричардс (55) ги засакала пилатесот, танцот и прошетките.
Интересен пристап има Салма Хајек (60), која отворено признава дека не сака многу да оди во теретана. Наместо напорен тренинг, понекогаш едноставно пушта музика и пешачи на лентата за трчање.
Елизабет Харли (61) тврди дека за нејзината кондиција најмногу придонесува активното секојдневие. Оди на долги прошетки со кучињата и се грижи за својата градина.
Денес
