Поп-иконите од 2000-тите, познати по еден голем светски хит, изгледале речиси непрепознатливо за време на неодамнешниот настап.
Руската пејачка, која денес има 41 година, се прославила во 2002 година, кога имала само 17 години, благодарение на контроверзниот музички спот за песната „All The Things She Said“, во кој таа и нејзината колешка од групата глумеле малолетен лезбијски пар.
Во спотот биле облечени во училишни униформи и страсно се бакнувале на дождот, додека нивните врсници ги набљудувале.
Години подоцна, таа признала дека сето тоа било само маркетиншки трик.
Да, добро прочитавте. Станува збор за Јулија Волкова (41), која заедно со Лена Катина (42) била членка на поп-групата „t.A.T.u“.
Рускиот музички продуцент Иван Шаповалов ја основал групата „t.A.T.u“ во Москва во 1999 година. Споменатиот музички спот бил забранет и цензуриран во некои земји.
Лена и Јулија, наводно, низ годините неколкупати се карале, но успеале да ги надминат несогласувањата и сега повторно настапуваат заедно.
Пејачките денес ги воодушевуваат своите обожаватели со повторните настапи, изведувајќи го својот голем хит на сцената. Сепак, многумина не ја препознале Јулија, која целосно го променила својот изглед.
Атрактивната бринета е покриена со тетоважи, а се чини дека имала и одредени естетски корекции, поради кои сега има пополни усни и поизразени јаболчници.
Јулија го родила своето прво дете, ќерката Викторија, кога имала само 19 години, а три години подоцна го добила и синот Самир со тогашниот сопруг Парвиз Јасинов.
Во 2010 година накратко го прифатила исламот, но седум години подоцна ѝ се вратила на православна вера.
Додека била во центарот на светското внимание, често била тема на медиумите. Така, на пример, во 2014 година предизвикала шок за време на телевизиско гостување, кога изнела хомофобични коментари на сметка на хомосексуалните мажи.
На прашањето дали би го осудила својот син доколку е геј, Јулија одговорила:
„Да, би го осудила, бидејќи сметам дека вистинскиот маж мора да биде вистински маж … Мажот нема право да биде геј. Две девојки заедно – тоа не е исто како двајца мажи заедно. Ми се чини дека лезбијките изгледаат многу поубаво од естетска гледна точка“.
Во меѓувреме, пејачката започнала и политичка кариера. Во 2021 година била кандидатка на руската конзервативна партија „Единствена Русија“, но доживеала тежок пораз на парламентарните избори.
Лена, од друга страна, се решила за значително помалку контроверзен пат и не се експонирала толку во јавноста. По напуштањето на групата, главно се посветила на самостојна музичка кариера, во рамките на која досега објавила три студиски албуми.
Во 2015 година го добила синот Александар со својот тогашен сопруг Саша Кузмановиќ, а се развеле во 2019 година.
Денес
