Видеото што го објавила нејзината мајка за само неколку дена собра повеќе од четири милиони прегледи, а откако се прошири и на другите платформи, вкупната гледаност достигна десетици милиони. Доволно е да го погледнете само неколку секунди за да стане јасно зошто споредбите го преплавија интернетот.

Сè започнало како шега

Мајката на Анастасија објавила видео во кое нејзината ќерка ги имитира препознатливите изрази на лицето, позите и прославите на головите на Халанд. Снимката брзо стана вирална, а коментарите почнаа да се редат еден по друг.

Некои на шега коментираа дека двајцата можеби се роднини, додека други пишуваа дека „ДНК тест воопшто не е потребен“. Многумина истакнаа дека ги поврзуваат долгата руса коса, сиво-сините очи, острите црти на лицето и препознатливиот сериозен поглед.

На почетокот не ѝ било мило

Анастасија признава дека на почетокот споредбите воопшто не ѝ биле симпатични.

„Поминав низ сите фази на негирање. На почетокот не можев да разберам како луѓето мислат дека личам на Халанд. Искрено, дури и малку ме навреди“, изјави таа.

Со текот на времето, сепак, го променила своето мислење.

„Денес мислам дека воопшто не е лошо да личиш на толку успешен спортист. Затоа решив да ја прифатам шегата и да се забавувам со неа.“

Таа додаде дека негативните коментари повеќе не ѝ пречат.

„Кога почнаа да се појавуваат хејтерите, сфатив дека видеото навистина станало вирално. Искрено, има многу повеќе позитивни коментари, а негативните само дополнително го зголемуваат неговиот досег.“

Работи за познати светски брендови

Анастасија е професионален модел и соработувала со брендови како „Clarins“, „Dyson“, „Uniqlo“ и „Lamoda“.

Таа вели дека луѓето првпат ѝ кажале дека наликува на Халанд пред околу четири години, но дури сега, благодарение на Светското првенство и одличните настапи на Норвежанецот, таа споредба стана вистински вирален хит.

Судејќи според реакциите на социјалните мрежи, многумина сметаат дека станува збор за една од најубедливите спортски двојнички што се појавиле во последните години. А кога ќе го погледнете видеото, лесно е да разберете зошто.