Актерката Мери Рок преку социјалните мрежи му понуди „награда“ на рускиот чувар на мрежата.

Сериозна провокација

Имено, Мери Рок му вети на Матвеј Сафонов „жешка ноќ“ доколку ПСЖ ја освои Лигата на шампионите. Сè се случило преку видео-порака на социјалните мрежи, која брзо станала јавна и достапна за сите.

Актерката напишала дека е подготвена да го „усреќи“ рускиот голман ако ПСЖ ја освои Лигата на шампионите во натпреварот против Арсенал на 30 мај во Будимпешта на „Пушкаш арената“ од 18 часот.

Таа му ветила „жешка ноќ“ за освојувањето на Лигата на шампионите, како и уште една „ноќ за паметење“ за секоја одбрана што ќе ја направи во финалето.

Одговорот на сопругата

Сопругата на Матвеј Сафонов, Марина, одговори на пораката на актерката.

„Актерка од филмови за возрасни му посака среќа на мојот сопруг во финалето на Лигата на шампионите и му вети „жешка ноќ“ за секоја одбрана. Таа нема поим дека „жешките ноќи“ за него значат решавање крстозбори и гледање „Што? Каде? Кога?“, како и гасење на светлата во 23:30 затоа што наутро мора да стане за тренинг – напиша Марина на социјалните мрежи.

Мери Рок, пак, напишала дека само сакала „на свој начин“ да го мотивира рускиот репрезентативец да го оправда големиот трансфер што ПСЖ го плати за него и достојно да го претставува рускиот фудбал во Европа.

Да потсетиме, ПСЖ пред две години му плати на Краснодар 20 милиони евра за Матвеј Сафонов.

Ја оставил првата сопруга

Понудата на Мери Рок не дошла во „празен простор“, туку во момент кога Матвеј Сафонов веќе бил во центарот на вниманието поради приватни проблеми.

Рускиот голман веќе две години е во правен спор со поранешната сопруга Анастасија Казачек поради неплатена алиментација. Медиумите пишуваа за сума од околу 600.000 евра, поради што извесен период му било забрането да ја напушти Русија.

Тие биле заедно уште од тинејџерските денови, се венчале во 2020 година, а една година подоцна ја добиле ќерката Маја.

Само неколку месеци по раѓањето на ќерката, Анастасија јавно објавила дека се разведуваат, обвинувајќи го Сафонов дека ја изневерувал додека била бремена и непосредно по породувањето.

Игнорирање по бројните скандали

Матвеј Сафонов на понудата на Мери Рок реагирал како вистински професионалец и веројатно свесен дека каков било одговор би бил PR катастрофа. Русинот едноставно ја игнорирал понудата.

Најдобриот одговор, сепак, го даде неговата сегашна сопруга Марина.

Приватниот живот на рускиот голман често бил тема на руските и француските медиуми, особено поради контроверзниот премин од првиот во вториот брак, кој бил проследен со голема судска драма.

Тој е во брак со Владислава Марина Кондратјук, која во Русија е позната како комичарка и учесничка во разни интернет-шоуа.

Марина е неколку години постара од Матвеј. Интересно е што таа работела во маркетинг тимот на ФК Краснодар во периодот кога Сафонов бил капитен на тимот, па така и се запознале.

Денес заедно живеат во Париз.

Мери Рок се промовира преку спортисти

Мери Рок во последните години стана позната не само по својата примарна професија, туку и по користењето спортски скандали за лична промоција.

Таа има огромен број следбеници на социјалните мрежи и платформата „OnlyFans“.

Нејзината тактика е едноставна – таргетира руски спортисти кои во тој момент се во центарот на вниманието или под голем притисок и им нуди „награди“ за успех.

Пред Матвеј Сафонов, нејзина мета бил рускиот скијач Савелиј Коростељов, кому јавно му ветила 16-часовен „маратон“ доколку освои медал во трката на 50 километри на Зимските олимписки игри во Милано и Кортина.

Уште еден спортист се најде во нејзин фокус – рускиот фудбалер Александар Кокорин, кому исто така му нудела слични „награди“ за постигнати голови.