Лионел Меси стана најдобар стрелец на мундијалите со двата погодоци кои ги постигна против Австрија, но покрај историскиот рекорд кој го собори на Мирослав Клосе, аргентинскиот капитен во неверојатниот меч поставил уште три импресивни достигнувања.
Гинисовата книга на рекорди не остана рамнодушна на фудбалскиот мастерклас кој го имаше Меси против Австрија, без оглед на тоа што Лео натпреварот го стартуваше со промашен пенал.
All the records broken by Lionel Messi today:
— Guinness World Records (@GWR) June 22, 2026
Most FIFA World Cup finals goals by a football (soccer) player - 18
Most FIFA World Cup matches played in by an individual - 28
Most matches won by a player at the football (soccer) FIFA World Cup - 18
Most minutes played in the…
Меси самиот призна дека посебно се налутил за пенал утката и тоа го инспирирало да биде уште подобар во продолжение, а покрај двата гола кои направија да стигне со 18 погодоци и да постави нов апсолутен рекорд по постигнати голови на мундијалите, Гинисовата книга откри уште три рекорди кои биле урнати во истата ноќ во Тексас.
Лео стана играчот со најмногу одиграни натпревари на мундијалите и стигна до бројката од 28, исто така стана играчот со најмногу остварени победи на Светските првенства (18), а од вчера е играч со најмногу одиграни минути на мундијалите (2489).
– Сведочиме на историја, – гласи завршната порака на Гинисовата книга под објавата за четирите рекорди.
