Жозе Мурињо е на добар пат да потфрли во уште една фудбалска приказна, овојпат со Бенфика, тим кој го ангажираше да донесе титули, да го врати победничкиот дух, a на крајот клубот може да остане без пласман во Лигата на шампионите.
Вчера Бенфика направи кикс и освои само бод во соочувањето со Брага, кикс кој Спортинг го искористи и дојде на второто место кое води во квалификациите за ЛШ. До крајот останува уште едно коло, па реално е поранешниот португалски првак да не обезбеди позиција во елитното натпреварување, па и тука да заврши приказната на Мурињо без разлика на тоа што има договор до 2027 година.
Тој на почетокот на март порача дека сака да го испочитува договорот, па дури и истиот да го продолжи без проблеми, ама по два месеци ја промени „плочата“ особено откако стана јасно дека Реал Мадрид сака да го ангажира.
- Не. Бидејќи 1 март е 1 март, и бидејќи е последната недела од првенството, последните две недели од првенството, не е за размислување за иднината, не е за размислување за договорите. Тоа е за размислување за мисијата што ја имавме, а тоа беше да направиме чудо и да завршиме втори. И кога велам чудо, мислам дека разбирате што мислам под чудо. И од моментот кога влеговме во оваа последна фаза од сезоната, со овие натпревари што одлучија нешто важно за клубот, решив дека не сакам никого да слушам, дека сакам да бидам, така да се каже, изолиран во мојот работен простор.
- И потоа, како што реков пред неколку недели, има натпревар против Есторил во сабота и мислам дека од понеделник па натаму ќе можам да одговорам на тоа прашање, на прашањето за мојата иднина како тренер и иднината на Бенфика, -истакнал Жозе кој запрашан зошто не сака да даде јасен одговор, тој порача:
- Секако, од мене зависи да го дадам тој одговор. Дали некогаш сте ме виделе како ги кријам моите одлуки, моите одговорности? Сега, никој не може да ме присили да одлучам, а камоли да соопштувам одлуки, бидејќи јас сум тој што одлучува кога. Во мојата глава, откако почнаа муабетите за можностите, видов само едно нешто: да работам и да дадам се од себе, и нема да застанам до натпреварот против Есторил. Тоа е почитта што ја заслужува Бенфика, тоа е почитта што ја заслужува мојата професија и никој не треба да го допре тоа. Освен ако некој идиот не го стори тоа, но во моето професионално достоинство, мојата чесност и моето почитување кон клуб како Бенфика, никој не треба да го допре тоа. Затоа, имам право да останам изолиран.
- Продолжувам да велам дека не сум разговарал со никого од друг клуб; сега се зборува за Реал Мадрид, но може да биде и кој било друг клуб. Не сум разговарал со никого од ниту еден клуб. Но, од моментот кога влеговме во оваа последна фаза од сезоната, мислам дека немаше апсолутно никаква смисла да правам нешто друго освен да се концентрирам на мојата работа. Почнувајќи од недела ќе имам таква можност, -рече стратегот кој говореше и за составот:
- Кога велите дека звучеше како збогување, воопшто не звучи како збогување. Звучи како почитта што ја имам кон нив и звучи како превентивна одбрана, бидејќи фудбалот ги има овие работи, фудбалот е многу неблагодарен многу пати, и тоа што тие се критикуваат денес ми изгледа неправедно… Кога ги критикував по Каса Пиа, тоа доаѓаше од моето срце, доаѓаше од мојата душа, бев силно критикуван за тоа, но таква е мојата природа, мојата природа е секогаш да се обидувам да бидам фер кон моите играчи.
- И денес, денот кога се мисли дека Бенфика нема да заврши втора, е денот кога морам да се повлечам и да ги бранам затоа што мислам дека го заслужуваат тоа. И ќе застанам тука затоа што не сакам да ја започнам следната сезона казнет. Решив да застанам тука. Останува само еден натпревар, остануваат само осум дена, нормално суспензиите се 20 дена, 30 дена, 40 дена, пет натпревари, четири натпревари, не знам што, -заврши Португалецот.
