Џејсон Бигс, актерот најпознат по улогата на Џим во серијата „Американска пита“, отворено проговори за своите борби со зависноста од алкохол и дрога и за своето патување до трезвеност. Тој вели дека неговиот најголем „поттик“ за промена била бременоста на неговата сопруга Џени Молен.
Актерот се појави во „Вју“, каде што го промовираше и своето режисерско деби, „Untitled Home Invasion Romance“. Таму, тој отворено опиша како било кога, како што вели, зависноста полека преземала сè и што би им рекол на луѓето кои денес штотуку почнуваат по тој пат. Тој исто така откри дека е трезен од 2017 година.
Откако водителката Сани Хостин му честиташе за повеќе од осум години трезвеност, таа го праша кога сфатил дека мора да престане и каков совет би му дал на некој што штотуку се обидува да се откаже.
„Тоа е нешто на што сум многу горд и дефинитивно беше тежок пат“, рекол Бигс.
Тој додаде дека, за среќа, не стигнал до „апсолутно дно“ во смисла на апсење или физичко повредување на некого.
„Имаше штета, но не од типот за кој би читале во весник. И можеше да биде полошо“, признал тој.
Бигс објасни дека неговиот проблем е во голема мера „внатрешен“.
„Тоа беше постојана, исцрпувачка опсесија. Едноставно не можев да престанам да мислам на тоа. Тоа стана моја опсесија“, рекол тој, опишувајќи ја својата состојба живописно: „Змиите во мојата глава никогаш не исчезнаа“.
Со текот на времето, вели тој, тоа почнало да го обзема: не можел да биде присутен, имал проблеми со концентрацијата и целиот негов живот станал постојан виор од мисли.
Пресвртницата дошла кога неговата сопруга, Џени Молен, забременила. Двојката е во брак од 2008 година и имаат два сина – Сид, 11, и Ласло, 8.
„А потоа, кога Џени забремени, тоа беше повик за будење за мене“, рекол тој.
Тој, исто така, се осврна на вообичаената реплика што луѓето ја слушаат кога се обидуваат да се отрезнат – дека „мора да го сторат тоа сами“. Тој рече дека и се согласува и не се согласува со тоа.
„Верувам дека кога првпат се отрезнуваш, причината не е важна. Ако е за некој друг, семејство, деца… „Џени е бремена, морам да се отрезнам“ – што и да е“, додал актерот.
Но, вели и дека работите се менуваат кога мора да издржите долгорочно.
„Мислам дека за да останете трезни, мора да го направите тоа сами“, продолжил. И завршил со јасен совет: „Побарајте помош“.
