Тенк, мешанец од питбул и чивини (чивава + јазавичар), стана вистинска ѕвезда на социјалните мрежи откако неговата сопственичка на почетокот од јануари ја сподели неговата приказна на „Reddit“.
Неговата глава потсетува на питбул, додека телото – долго и ниско – наликува на јазавичар, а токму таа необична комбинација целосно ги освои интернет-корисниците.
Необичен спој на гени
Сопственичката на Тенк, Кендал Кларк (40) од Портланд, во Орегон, открива дека кучето потекнува од „случајно легло“. Таткото му е чивини – мешанец од минијатурен јазавичар и чивава, додека мајката е питбул, пишува „Index“.
„Иако на почетокот се двоумев дали да го вдомам, веднаш ни го украде срцето. Беше срамежлив, но сакаше да биде што поблиску и постојано да се гали“, вели Кларк.
„Reddit“ полуде по него
Објавата брзо собра повеќе од 13.000 лајкови, а коментарите беа полни со воодушевување … и шеги.
„Ова не е само мешанец, ова е буквално глава на питбул на тело на јазавичар. Го обожавам“, напиша еден корисник.
Друг додаде: „Изгледа како да залепиле глава на питбул на тело на куче-колбас.“
Многумина го споредуваат и со „Scrappy-Doo“, храбриот внук на славниот „Scooby-Doo“, што стана омилена шега во коментарите.
I really underestimated how much I would love this little guy
byu/cream-rinse indogpictures
Изгледот лаже
Кларк вели дека постојано слуша споредби со „Scrappy-Doo“: „Луѓето така го нарекуваат и се смеат, но најчесто со добра намера.“
Иако Тенк на прв поглед може да делува застрашувачки, неговата природа е сосема спротивна. Гласно лае на прозорецот со длабок „питбул“ лаеж, но кога ќе се најде лице в лице со непознати, често се крие зад нејзините нозе. Тенк всушност е нежно и малку несигурно куче, кое најмногу ужива во внимание.
„Мирен е по природа, но сака да биде во центарот на вниманието. Често им седи во скут на гостите додека го галат, а понекогаш им го турка мобилниот од рака само за да го погалат“, раскажува Кларк.
Здрав, разигран и бескрајно сладок
Тенк е во одлична здравствена состојба, иако ветеринарите предупредуваат дека поради неговата градба, подоцна би можел да има зголемен ризик од артритис. Поради тоа, сопственичката и нејзиниот партнер го одржуваат активен за да му ги зајакнат мускулите.
Ни неговите необични телесни пропорции не го спречуваат во играта – обожава да си игра со други кучиња и како да не е свесен колку е всушност мал.
