Шпанската Федерација и објави „војна“ на Барселона за Јамал и испрати жестоко соопштение

Германскиот стручњак остана огорчен во ситуација кога Ламин Јамал не беше поштеден од селекторот и кога заработи повреда во месец септември, но тоа резултираше со серија препукувања во јавноста, кои сега ескалираа и изнудија жестоко соопштение од РФЕФ.

Шпанската Федерација во најновото соопштение потенцира дека втор месец по ред е принудена да го отповика Јамал за репрезентативните предизвици, сето тоа како резултат на нечесните процедури кои ги води Барселона како клуб во обидот да ја санира неговата повреда на препоните.

– Медицинските служби на РФЕФ сакаат да го потенцираат непријатното изненадување со кое беа соочени, откако вчера во 13:47 часот дознаа дека играчот Ламин Јамал бил подложен на инвазивна радиофреквентна процедура за третман на неговата пубалгија истото утро, и тоа на денот на почетокот на официјалната концентрација со националниот тим.

– Оваа процедура е спроведена без претходна комуникација со медицинскиот тим на Селекцијата, а ние дознавме детали за истата само од медицинскиот извештај добиен во 22:40 часот вчеравечер, во кој стои и медицинска препорака за одмор од 7-10 дена.

– Соочени со оваа ситуација и секогаш давајќи приоритет на здравјето, безбедноста и благосостојбата на играчот, РФЕФ донесе одлука да го ослободи фудбалерот за следните предизвици. Се надеваме дека рехабилитацијата ќе се одвива поволно и му посакуваме брзо и целосно закрепнување, – гласи објавата на Федерацијата.