Македонската ракометна репрезентација ќе биде дел од уште еден голем настан на почетокот на наредната година, Европското првенство кое ќе се одржи во Данска, Шведска и Норвешка.
Меѓутоа македонскиот ракомет и нашата земја ќе има и други претставници на овој шампионат и тоа се судиите. Добро е познато дека Славе Николов и Ѓорѓи Начевски се меѓу најдобрите судии на светот и едноставно беше јасно дека бидат дел од ЕП, но тие сега добиваат друштво, сонародници во имињата на Димитар Митревски и Благојче Тодоровски.
Митревски и Тодоровски се номинирани и ќе имаат шанса да делат правда на континенталниот собир.
ЕХФ номинираше вкупно 18 судиски двојки од цела Европа, а само Шпанија и Македонија имаат по два пара.
