Телескопот „James Webb“ откри блескави новородени ѕвезди и космичка прашина во најголемиот молекуларен облак на Млечниот пат, познат како Стрелец B2, пишува порталот "Live Science".
Овој регион, во кој се формираат млади ѕвезди, се наоѓа само неколку стотини светлосни години од супермасивната црна дупка во центарот на нашата галаксија. Снимките се направени со инструментите "MIRI" и "NIRCam" на телескопот „James Webb“, кои го набљудуваат универзумот во инфрацрвениот спектар.
Оваа технологија им овозможува на астрономите да видат делови од вселената кои се невидливи за човечкото око, но дури и во овој регион постојат области што остануваат неразликувани дури и за најмоќниот вселенски телескоп – на снимките тие се видливи како темни зони.
Across the stars ⭐ with the #NIRCam instrument on the NASA/ESA/CSA James Webb Space Telescope!
Stars, gas, and cosmic dust in the Sagittarius B2 molecular cloud glow in near-infrared light. In these wavelengths, astronomers see more of the region’s diverse, colourful stars, but less of its gas and dust structure.
Webb’s instruments each provide astronomers with important information that help build a more complete picture of what is happening in this intriguing portion of the centre of our galaxy.
#WebbSeesFarther
📷 NASA - National Aeronautics and Space Administration , ESA - European Space Agency , Canadian Space Agency , STScI, A. Ginsburg (University of Florida), N. Budaiev (University of Florida), T. Yoo (University of Florida), A. Pagan (STScI), N. Bartmann (ESA/Webb).
🎶 Stellardrone - Twilight
Posted by James Webb Space Telescope on Friday 26 September 2025
Фотографиите прикажуваат молекуларен облак богат со ѕвезди, кој претставува најмасивен и најактивен регион за формирање ѕвезди во нашата галаксија. Инструментот "MIRI" го прикажува Стрелец B2 во средно-инфрацрвена светлина, при што топлата прашина свети со извонреден интензитет.
Само најсветлите ѕвезди емитуваат доволно светлина за да се појават како сини точки низ густите облаци. Снимката на истиот регион направена со "NIRCam" открива уште повеќе детали – на неа можат да се видат бројни обоени ѕвезди меѓу светлите облаци од гас и прашина.
Астрономите можат да ги проучуваат овие региони за да дознаат повеќе за ѕвездите, нивните маси и старост, пишува "Live Science". Врз основа на овие податоци може да се добие поширока слика за историјата и иднината на формирањето на ѕвездите во овој дел од галаксијата.
The James Webb Space Telescope has uncovered dazzling newborn stars and thick cosmic dust in Sagittarius B2, the Milky Way's most enormous star-forming cloud. https://t.co/mdX3vp7bgw
— Live Science (@LiveScience) September 28, 2025
Тоа вклучува и обид да се реши мистеријата – зошто формирањето ѕвезди во центарот на нашата галаксија е толку послабо во споредба со молекуларниот облак Стрелец B2.
„Луѓето ги проучуваат ѕвездите илјадници години, а сепак има уште многу нешта што треба да се разберат. За секое нешто што ни го открива ’Webb‘, се појавуваат и нови мистерии што треба да се истражат – и возбудливо е да се биде дел од тој процес на постојано откривање“, изјави Назар Будаиев, еден од истражувачите што ги анализираат снимките од телескопот „James Webb“.
