Истражувањето спроведено на 5.000 испитаници покажа дека просечен човек доживува желба за храна двапати на ден, при што една четвртина од нив ја доживуваат почесто.

Откако ќе се појави желба, шест од десет луѓе не можат да ѝ одолеат повеќе од еден час, а еден од петмина попушта во рок од 15 минути.

Често консумираат „утешна храна“

Кога биле гладни или одеднаш посакале одредена храна, испитаниците најчесто посегнуваат по таканаречена утешна храна, пржена храна и солени грицки. Заедно со слатките и грицките, пицата, хамбургерите, помфритот, такосите и прженото пилешко биле меѓу најпосакуваните јадења, што покажува дека во моментите на желба, луѓето најчесто бараат храна што е заситувачка, позната и поврзана со чувство на удобност.

Претпочитаат да готват дома отколку да нарачуваат

И покрај сеприсутноста на доставата, речиси две третини од испитаниците би ја задоволиле својата желба дома отколку да нарачаат готова храна. Оваа тенденција може да се види и при купување намирници: 35 отсто од испитаниците рекле дека нивните желбите од претходната недела редовно влијаат на нивната листа за купување. Во просек, повеќе од половина од времето оброкот се подготвува врз основа на моменталната желба, што покажува дека спонтаноста игра голема улога во дневното планирање на исхраната.

„Во ерата кога практичноста е од најголема важност, охрабрувачки е да се види дека две третини од луѓето би ги задоволиле своите желби за храна дома отколку да нарачаат достава“, рекол Бенџамин Гребел, виш менаџер за кулинарен развој во компанијата „EveryPlate“, која го нарачала истражувањето.

„Тоа покажува дека луѓето најдобро го познаваат сопствениот вкус, само им треба малку повеќе самодоверба во кујната за да се оживеат тие омилени вкусови“, додал тој.

Луѓето се обидуваат да готват како на интернет

Желбата за храна е бескрајна, па затоа речиси половина од испитаниците поминале повеќе од еден час готвејќи сложен рецепт само за да задоволат специфична потреба. 43 отсто од нив дури се обиделе дома да подготват јадење на професионално ниво откако го виделе на социјалните мрежи. Сепак, многу луѓе се сомневаат во своите вештини и не се сигурни дали можат успешно да подготват јадење што изгледа совршено на екранот во сопствената кујна.

Третина од испитаниците признале дека повеќето јадења што ги гледаат на социјалните мрежи се нереални за подготовка на просечен човек. И покрај ова, 43 отсто од родителите чувствуваат вина барем еднаш неделно затоа што не готват оброци што изгледаат „достојни за инфлуенсери“.

Кога се обидуваат да рекреираат јадења од социјалните мрежи, испитаниците проценуваат дека се приближуваат до оригиналот околу 60 отсто, додека 29 отсто од нив признале дека не постигнуваат ниту 50 отсто точност.

„Не мора да поминете еден час во кујната за да подготвите нешто неодоливо“, рекол Гребел.

„За повеќето луѓе, пречката не е само готвењето, туку и менталниот товар на планирање, одлучување и подготовка на оброци од нула. Отстранете го тој товар и одеднаш вечерата нема да биде нешто од што треба да се плашите. Тоа е само добра храна, приготвена со леснотија“, истакнал тој.