Иако сирењето може да биде извор на калциум и протеини, не секој избор е добар за кардиоваскуларниот систем.

Кардиологот д-р Тарикшах Сајед нагласува дека е клучно да се обрне внимание на количината и видот на сирењето што се консумира.

„Сирењето што се јаде умерено обично има мал ефект врз "LDL" холестеролот, но сирењата со висок процент на масти можат значително да го зголемат ако се јадат во прекумерни количини", изјави тој за „Parade“.

Главната причина за тоа е содржината на заситени масти, кои го зголемуваат ризикот од срцеви заболувања, мозочен удар и висок крвен притисок, пренесува „Krstarica“.

Покрај изборот на сирење, важно е и со што го комбинирате.

Најпроблематични сирења

Најпроблематични се сирењата со висок процент на заситени масти и натриум. Д-р Сајед објаснува:

"Преработените сирења и тврдите, полномасни сирења како чедар и пармезан имаат поголема содржина на заситени масти и сол, што може да го зголеми "LDL" холестеролот и крвниот притисок", истакнува тој.

Најлош пример е маскарпоне, кој содржи 29 грама заситени масти и 44 грама вкупни масти по порција. За споредба, околу 55 грама чедар имаат 23 грама заситени масти и 364 милиграма натриум, што брзо може да ги надмине дневните препораки на Американското здружение за срце.

Поздрави алтернативи што срцето ги сака

Наместо масни и солени сирења, експертите препорачуваат консумирање на природни, помалку масни варијанти како фета, свежо козјо сирење или моцарела. Овие сирења имаат понизок процент на натриум и заситени масти, а притоа обезбедуваат корисни нутриенти без дополнителни хемикалии.

Совети за паметен избор

При купување сирење, важно е да се чита декларацијата и да се избираат производи со што помалку состојки. Природните сирења без додатоци и бои се подобар избор за секојдневна исхрана, особено ако водите сметка за здравјето на срцето.

Заклучокот на експертите е јасен — не е секое сирење лошо, но сирењата со висок процент на масти и несоодветните комбинации со друга храна можат да ја претворат инаку здравата намирница во потенцијална закана за срцето. Паметниот избор ја прави разликата.