Оваа нордиска земја го зазеде првото место со вкупен резултат од 58,4 од можни 100 поени.

Освен што е познат по природните чуда како гејзери и поларната светлина, Исланд се истакнува и со високиот животен стандард, безбедност и среќа на своите граѓани.

Неодамнешната ранг-листа дополнително го потврдува нејзиниот статус: прогласена е за најбезбедна земја на светот и трета на листата најсреќни земји.

Главниот град Рејкјавик, иако со дури 140.000 жители, има космополитанска атмосфера. Градот нуди богата културна и гастрономска сцена, фестивали и урбан начин на живот, а истовремено ја задржува топлината на заедницата и компактноста која овозможува речиси сѐ да се обиколи пешки.

Економските показатели дополнително привлекуваат нови жители. Просечната плата на Исланд изнесува околу 4.500е вра, а стабилната економија и високата здравствена заштита ја прават една од најпосакуваните земји за живот и работа во Европа.

На листата десет најпривлечни држави за имиграција доминираат европските земји како: Швајцарија, Луксембург, Норвешка, Ирска, Данска и Холандија.

САД го зазела седмото место, додека пак Велика Британија се нашла на 19 позиција.

Во одредени категории особено се истакнале други земји: Јужна Кореја по квалитетот на здравствената заштита, Австралија веднаш зад неа, а Шри Ланка по образованието благодарение на исклучително ниските трошоци за грижа на деца.

Луксембург е оценет за најдобра земја според јавниот превоз, додека пак Обединетите Арапски Емирати се прогласени за најбезбедна земја.

Каде е најлошо?

Во посебно истражување за среќа на граѓаните, нордиските земји и натаму доминираат: Финска осма година по ред е прогласена за најсреќна нација, Данска е на второто место, на третото Исланд, а Шведска е четврта.

Спротивно од тоа, САД е на 24 место, додека пак Велика Британија на 23 место, и двете под Израел којшто без оглед на воените околности е на осмото место.

На дното на листата е Авганиста, а меѓу петте најмалку среќни земји се наоѓаат и Сиера Леоне, Либан, Малави и Зимбабве.