Возилото достигнува брзина од 120 km/h, што го вбројува во категоријата L5 и овозможува движење по сите јавни патишта во Франција.
Наменет е за секојдневно возење низ град, но и за автопат.
Понеделник, 22 септември, се одбележува како Светски ден без автомобили, а ова е една од можните алтернативи на класичните возила со "SUS" мотори.
Француската компанија "Cixi" развива возило што комбинира педали, електричен погон и затворена кабина – трициклот "Vigoz", наменет за секојдневно користење во урбани средини, но и за возење по автопат.
За разлика од велосипед, "Vigoz" го штити возачот од дожд и ветер, а благодарение на електромоторот и батеријата од 22 kWh може да помине до 160 километри со едно полнење.
Возилото достигнува брзина од 120 km/h, што го вбројува во категоријата L5 и овозможува движење по сите јавни патишта во Франција.
Полнењето трае околу шест часа на обичен домашен приклучок.
Возилото има две предни и едно задно тркало, активен систем за навалување во кривини, затворена кабина со брисачи, LED светла и простор за товар.
Во внатрешноста има место за возач и еден сопатник, со "Isofix" приклучоци за детско седиште.
Наместо класичен волан, се користи управувач со кочници, додека педалите служат за регулирање на забрзувањето и сопирањето.
Според компанијата "Cixi", "Vigoz" е проектиран со животен век од најмалку 15 години, со можност за замена на делови и ажурирање на софтверот на далечина.
Возилото сè уште не е во продажба (сè уште е во прототип фаза), а кога ќе биде подготвено, ќе се нуди исклучиво преку месечна претплата, наместо преку директна купопродажба.
