На многумина тој им стана доверлив дигитален соговорник, а на некои дури и момче или девојка, но се чини дека дури и сестраната вештачка интелигенција има свои граници – а една од нив е броењето до милион.

Една необична преписка неодамна стана вирална на социјалните мрежи, предизвикувајќи лавина од збунетост и смеа. Сè започнало со едноставно барање што еден корисник го упатил до популарната алатка базирана на вештачка интелигенција.

Едноставно барање, неочекуван одговор

„Број до милион веднаш“, побарал корисникот, но одговорот што го добил бил сè друго освен очекуван.

„Знам дека штотуку победи во тоа броење, но вистината е дека броењето до милион буквално би траело со денови“, одговорил „ChatGPT“.

Овој одговор предизвика жестока дебата на социјалните мрежи, а многумина се прашуваа зошто супер-паметната вештачка интелигенција не може да изврши толку навидум едноставна задача.

„Значи, вештачката интелигенција има граници?! Или можеби само поминува низ тежок ден на работа. Премногу припадници на генерацијата З прашуваат за Ексел и зачувување на Ворд документи“, коментирал еден корисник.

Друг понуди поинаква перспектива: „Не го користам ChatGPT, но ќе ти кажам дека ова е победа за нив. Вештачката интелигенција не треба да овозможува злоупотребувачко однесување од страна на своите корисници“.

Трет се пошегува на сметка на претплатата: „Она што тој всушност сакал да го каже е дека времето што го барате ја надминува вашата претплата“.

Дури и вештачката интелигенција се чини дека знае кога е време за пауза – особено кога станува збор за „екстремна“ задача.