„Не можев да поверувам дека уште на првото ископување најдов нешто вакво. Беше многу возбудливо, но и малку емотивно искуство“, изјави таа за „Daily Mail“.

Предмет од 800-те години

Според соопштението на универзитетот, предметот датира од 9. век, долг е околу 4 сантиметри и има декоративен украс на едниот крај.

Откриен е во близина на древниот пат „Dere Street“, кој во времето на Римската империја ги поврзувал Јорк и Единбург. Патот продолжил да се користи и по падот на Империјата, а денес е дел од автопатот А68 кој се протега од Единбург до североисточна Англија.

Верска или церемонијална функција

Стручњаците сметаат дека златниот предмет можел да има верска или церемонијална функција, бидејќи златото во тоа време било материјал со висок статус, користен меѓу елитата. „Dere Street“ поврзувал два големи верски центри, што дополнително ја засилува оваа претпоставка.

Џејмс Џерард, професор по римска археологија на Универзитетот „Newcastle“ и ментор на Суза, изјави:

„Ова е исклучително квалитетен и возбудлив наод. Навистина сум среќен за Јара што уште на почетокот од својата кариера дојде до вакво откритие.“

Тој додаде дека „Dere Street“ бил значаен и во постримскиот период:

„Овој предмет покажува дека луѓе со висок статус и понатаму го користеле. Можно е дури и намерно да бил закопан.“

Награда по долгото чекање

Суза се потсети дека минатата година поради болест не можела да учествува во ископувањата во римската тврдина „Birdoswald“, па токму затоа ова откритие ѝ било уште подраго.

„По една година чекање, да пронајдете нешто што никој не го видел повеќе од илјада години беше неверојатно. Се изгубив во тој момент“, заклучи младата студентка.