Бел песок, тиркизно море и бујно зеленило – вака за многумина изгледа плажата од соништата, а токму една таква се наоѓа во Грција.
До плажата Монолити во Грција, најдолгата песочна плажа во Европа, се стигнува за четири часа возење од Атина. Сместена е во Превези, долга е фантастични 25 километри, а се одликува со мек песок, тиркизно море и бујно зеленило.
Оваа плажа ја спојува бескрајната природа, историја и уживање, а се протега од селото Митикас до Кастросикија. Монолити е повеќе од обична плажа.
Златниот песок којшто е неверојатен се спојува со тиркизното море на Јонскиот залив и создава сцена која го одзема здивот.
Покрај самото крајбрежје се протега густа шума која на плажата ѝ дава посебна магија и ги штити посетителите од жешкото сонце. Овој спој на море, песок и зеленило создава сценографија каква што ретко се гледа на Медитеранот.
За оние кои сакаат мир и тишина, Монолити нуди пространи делови каде ќе имате чувство како да сте сами на светот. А, доколку сепак сакате удобност, тука се и уредените делови на плажата со лежалки, борови и музика.
Токму поради својата должина и пространост, Монолити често се опишува како плажа на слободата, тука никогаш немате чувство на метеж.
Освен тоа, во 2020 година во текот на пандемијата, Монолити била прогласена за една од најбезбедните плажи во Европа, не само поради својата големина туку и поради чистото море, добрата организација и природната заштита.
Зад плажата се протега подрачјето на антички Никополис којшто го основал царот Октавијан Август. Така Монолити не е само туристичка атракција туку и место каде природата и историјата одат рака под рака.
Без оглед на тоа дали сте љубители на тишината и прошетките или пак сте авантурист којшто сака да ги истражува скриените места, односно некој којшто сака да ужива со коктел и музика на море – Монолити има сѐ.
