Организаторите на Евровизија објавија дека наредната година домаќин на престижното музичко натпреварување ќе биде австриската престолнина Виена.

Австрија исто така стана домаќин на јубилејното 70 издание на Евровизија, а Европската радиодифузна унија соопшти дека натпреварувањето ќе биде одржано во виенската сала „Wiener Stadthalle“ најголемата затворена арена во земјата.

Како е избрана Виена?

Покрај Виена, кандидатите за домаќини биле и Грац, Инсбрук и Оберварт. Меѓутоа Виена е избрана по деталната анализа во која бил разгледуван капацитетот и техничката подготвеност на салата, инфраструктурата на градот, можноста да угости илјада делегации, фанови и новинари, како и економската исплатливост.

Австралиската национална телевизија „ORF“ порачала дека Виена би била „најатрактивна не само во поглед на инфраструктурата и логистиката туку и економски“.

Трет пат Евровизија во Виена

Ова ќе биде трет пат Виена да ја угости Евровизија. Првиот пат тоа се случило во 1967 година, вторпат во 2015 година.

Датумите на полуфиналето и финалето

Организаторите веќе го потврдиле распоредот:

- прво полуфинале: 12, мај 2026;
- второ полуфинале: 14 мај, 2026;
- големо финале: 16 мај, 2026.

Во текот на таа седмица ќе бидат одржани и шест генерални проби, а деталите ќе бидат соопштени во наредните месеци. Списокот на земји учесници на 70 песна за Евровизија се очекува кон крајот на годинава.