Одењето на море е радост и за децата и за возрасните, пред сè, затоа што значи одмор од секојдневните обврски и брзањето.
Покрај тоа, многу луѓе уживаат во престојот на море поради различната клима и околината, а тоа секако има придобивки за здравјето, особено за менталното.
Исто така, морската вода е многу здрава, иако честопати не се истакнуваат сите нејзини придобивки.
Д-р Верослава Станковиќ, специјалист по хигиена, истакна зошто морската вода е толку добра и на што сè влијае.
„Морската вода е толку здрава, има сол, а таквата концентрација на сол не дозволува развој на бактерии. Исто така, има јод и други минерални супстанции“, рече д-р Станковиќ, додавајќи кои се другите предности на престојот покрај море.
„Аеројоните над самата морска вода не се споменуваат често, а има повеќе од 5.000 аеројони кои се позитивни за нашето здравје, за ендокриниот систем, за желудникот, како и за менталното здравје. Затоа ако детето голтне вода, тоа не е страшно, така ќе се прочисти, а добро е и за имунитетот и децата поретко ќе добијат инфекции во текот на зимскиот период“, изјави таа за српските медиуми.
Таа истакна дека секогаш е подобро децата повеќе да се капат во морска вода отколку во базени, особено во странство каде не ги знаеме законите и како водата се прочистува.
