„Во нашите тела нема повеќе место за несакани станари!“, 52-годишната германска манекенка Хајди Клум објави војна против црвите и паразитите. Имено, таа е убедена дека во нејзиното тело се кријат црви и паразити, па затоа таа и нејзиниот сопруг Том Каулиц започнаа повеќемесечна детоксикација со цел да ги исфрлат од организмот.

„Првпат во животот одам на третман против црви и паразити. Слушнав дека тоа треба да се прави еднаш годишно, а јас тоа никогаш не сум го правела. Се чувствувам како да доцнам. Немам поим што сè ќе излезе“, признала Хајди за „Волстрит журнал“.

На прашањето дали има некаков доказ дека нејзиното тело е навистина заразено, Хајди одговорила: „Наводно сите имаме паразити и црви. Особено ако јадете сирова храна, да речеме суши.“

Таа не ги откри деталите од својот протокол, но рекла дека зема капсули полни со билки, меѓу кои доминираат каранфилче 

Патот до здравјето или помодари

Но, дали остатокот од светот треба да паничи поради паразити? Експертите велат – не баш. Бидејќи, додека Хајди Клум и многу други ѕвезди веруваат дека антипаразитската детоксикација може да биде патот до поздраво тело, експертите нè потсетуваат дека здравјето не се гради врз основа на трендови, туку врз основа на докажани медицински методи и одговорна самогрижа.

Паразитите се реални, но нивното постоење и лекување треба да бидат потврдени и водени исклучиво од лекар. Наместо „слепо“ да се следат туѓите „рецепти“, многу е побезбедно да се потпреме на темелната хигиена, квалитетната исхрана и стручните совети. Бидејќи кога станува збор за нашето здравје, превенцијата и медицината базирана на докази се секогаш подобар избор од помодарските експерименти.

„Јавните личности, особено славните личности, имаат силно влијание врз јавното мислење. Вклучувањето во одредени медицински кампањи може да има позитивен ефект и да ги охрабри луѓето да се вклучат во програми за превенција или лекување на одредени болести. Исто така, кога станува збор за методи кои не се засновани на медицината базирана на докази, мислењето на нестручните личности, што обично се славните личности, не е она што треба да го почитуваме“,  рекол проф. д-р Давор Штимац, специјалист по интерна медицина и субспецијалист по гастроентерологија.

Тој исто така додава и дека треба да се избегнува сè што пациентите прават без надзор на лекар, а претставува медицинска интервенција.

„Лекарите се школувани за да поставуваат дијагнози и потоа и индикации за одредени медицински процедури. Покрај тоа, тие препишуваат постапки и ги лекуваат компликациите од тие постапки. Инфекциите со паразити се чести и влијаат на многу луѓе, нивната зачестеност во различни делови од светот е првенствено поврзана со санитарните услови и хигиенските навики. Паразитите се организми кои живеат во други организми каде што се хранат, растат, се размножуваат и му штетат на домаќинот. Кога зборуваме за паразити, најчесто мислиме на цревни паразитски инфекции. Паразитите најчесто влегуваат во нашето тело преку храната и пијалаците, а тие се првенствено поврзани со лошите хигиенски навики“, продолжил проф. Штимац.

Потенцијални нуспојави

Тогаш, може ли третманите за чистење на телото сами по себе да предизвикаат сериозна штета на здравјето, дури и кај здравите луѓе?

„Ќе ве потсетам на една стара латинска поговорка која вели „Primum non nocere“, т.е. „Најважно е да не се наштети“. Секоја интервенција што ја правиме врз човечкото тело може да доведе до одредени компликации и секогаш е потенцијално опасно да се спроведуваат постапки ако не знаеме како навреме да ги препознаеме несаканите ефекти од тие постапки, односно не знаеме како да ги отстраниме ако се појават“, советува експертот.

Симптомите на паразитските болести, објаснува тој, можат да варираат во зависност од видот на паразитот, но најчесто вклучуваат дигестивни пречки како што се гадење, повраќање, болки во стомакот и дијареја (пролив). Ова е најчестата причина за посета на лекар и започнување медицински третман. Други симптоми може да вклучуваат губење на тежина, замор, анемија, чешање, кашлица, па дури и проблеми со дишењето или нервниот систем во потешки случаи.