Станува збор за минималистички, правоаголен објект, чија фасада обложена со огледала создава илузија на исчезнување во пустинскиот пејзаж на Националниот парк „Џошуа Три“.

Врвни материјали и дизајн

Куќата е дизајнирана од филмскиот продуцент Крис Хенли и архитектот Томас Осински. Таа се простира на околу 510 квадратни метри внатрешен простор, распоредени во четири спални соби и три бањи.

Во нејзината внатрешност се наоѓа и базен со должина од 30 метри и систем за греење, кој доминира во дневниот престој, пренесува „24sata“.

Екстериерот е осмислен така што речиси целосно се вклопува со природата, додека внатре гостите ги пречекува комбинација од врвни материјали и модерен дизајн. Куќата е опремена со кујна за професионални готвачи, елегантни елементи, мермерни плочи и контролирано LED осветлување.

Цената – вистинска „ситница“

„Невидливата куќа“ може да се изнајми за околу 95.000 американски долари месечно. Алтернативно, достапни се и ноќевања, со цени од 2.000 до 7.000 долари, во зависност од сезоната.

Овој архитектонски бисер, исто така, се нуди на продажба по цена од 17,95 милиони американски долари.