[ФОТО] Познатиот американски актер за Палестина: Не ни е дозволено да молчиме додека тие подготвуваат масовно убиство во наше име

Имено, актерот во објавата ги цитирал зборовите на американскиот поет и језуитски свештеник Ден Бериган, јасно порачувајќи дека молчењето во време на злосторства е рамно на соучесништво.

„Единствената порака што ја имам за светот е: Не ни е дозволено да убиваме невини луѓе. Не ни е дозволено да бидеме соучесници во убиство. Не ни е дозволено да молчиме додека подготовките за масовно убиство се одвиваат во наше име, со наши пари, тајно,“ започнал Кјузак.

„Страшно ми е да живеам во време во кое немам што да им кажам на луѓето, освен: ‘Престанете да убивате’. Постојат и други убави работи што би сакал да им ги кажам на луѓето. Постојат и други проекти во кои би можел да бидам многу корисен. А не можам да ги работам. Не можам. Затоа што сè е загрозено. Сè е на располагање. Нашата ситуација е некаков вид примитивна, иако себеси би нè нарекле софистицирани. Нашата неволја е многу примитивна од христијанска гледна точка. Се вративме таму каде што почнавме. ‘Не убивај’; не ни е дозволено да убиваме. Сè денес се сведува на тоа – сè,“ заклучи тој.

Да потсетиме, во октомври минатата година Џон Кјузак на својот профил на Твитер објави одговор на говорот на Камала Харис, во кој таа ја спомена и Газа, порачувајќи дека таму не станува збор за војна, туку за геноцид.

„Мораме да ја завршиме таа војна и да ги вратиме заложниците дома, но сега зборувам за 2024 година,“ изјавила тогаш кандидатката за претседателка на САД.

Во својот одговор на нејзината изјава, Кјузак порачал: „1. Тоа не е војна, туку геноцид. 2. Заложници од двете страни? Нетанјаху не се грижи за заложниците – а што се Палестинците во затворите и оние што умираат во кланица под отворено небо, ако не се заложници?“.