Памела Андерсон и Лиам Нисон во последните недели привлекуваат внимание во јавноста со заеднички настапи, но експерт за говор на телото тврди дека зад нивните насмеани пози можеби не стои вистинска романса.

Дали Памела Андерсон и Лиам Нисон се во врска?

Дуото глуми во новиот филм од серијалот „Гол Пиштол“, а за време на промотивната турнеја често се појавуваа прегрнати, разменуваа бакнежи на црвениот тепих и се шегуваа во телевизиски емисии. Сето тоа поттикна гласини дека нивната хемија се прелеала и надвор од филмскиот сет.

Сепак, експертот за говор на телото Дарен Стентон, кој ги анализирал нивните јавни настапи, смета дека се работи за внимателно испланирана промоција.

„Лично не верувам дека се работи за вистинска врска. Сè изгледа како нешто осмислено за публицитет и промоција на филмот. Кога го гледам нивниот говор на телото, не гледам клучни знаци на она што го нарекуваме меѓусебна привлечност или возвратена наклонетост на романтично ниво“, рече Стентон за „PureWow“.

Сè поради промоција на филмот?

Додава дека Нисон е познат по сериозни улоги, а соработката со Памела Андерсон во комедија може да биде дел од промислена стратегија за публиката да го прифати во поинаков жанр. „Нивната меѓусебна комуникација изгледа малку сценски, нема продолжен контакт со очи подолг од десет секунди, а тоа често е силен показател за вистинска романтична поврзаност“, истакна тој.

Иако не ја исклучува можноста дека меѓу нив постои добра енергија, Стентон смета дека таа произлегува од професионален однос. „Очигледно се сложуваат добро и развиле силна хемија на сетот, но мислам дека овде нема подлабока романса“, заклучи тој.