Илина и Јована Николовски се две сестри на возраст од 15 и 13 години. Илина е прва година во ДМБУЦ „Илија Николовски-Луј“, а Јована осмо одделение во ОУ „Невена Георгиева-Дуња“ во Скопје. Јована исто така е ученичка во нижото музичко училиште „Илија Николовски-Луј“, остек соло пеење.
Потекнуваат од музичко семејство и од многу рана возраст покажуваат интерес кон музиката. Покрај музиката Илина и Јована веќе осум години посетуваат и часови по глума во драмско студио.
Досега имаат снимено 16 свои песни. Првиот настап им беше на детскиот фестивал „Чунга лунга“ во Охрид, во рамките на „Охридски трубадури“-2016 год. Со песничката „Лето“. Во 2017 год. настапија на детскиот музички фестивал „Тра-ла-ла“ во Битола со песничката „Јаболчиња“, каде добија и една од наградите. На детскиот музички фестивал „Јојо“ во Струмица ја испеаа песничката со наслов „Часовник“. Исто така имаат и 2 празнични песнички „Божиќна“ и „Велигденска“ песничка. Во пресрет на новогодишните празници 2018 год. излезе песничката „Дедо Мраз“ која има и англиска верзија „Santa Claus“.
Во 2018 год. по втор патзедоа учество на детскиот фестивал „Тра-ла-ла“ во Битола со песничката „Цреши на уши“. Имаат и една преработка на песничката „Mary had a little lamb“, „Мери има јагненце“на македонски јазик. За песната „Љубов“во која ги придружува оперскиот пејач Кристијан Антовски го снимија првиот видеозапис. Единаесетта песничка носи наслов „Елко елкичке“. Следните две песни со наслов „Песнава да не заврши“ и „Ден ноќ“ се изведени на детскиот фестивал „Распеано детство“ 2021 и 2022 год.
Во декември 2023 излезе и првото авторско ЦД на Илина и Јована со наслов „Љубов“. Септември 2024 ја снимија песната „Зборови“ и вториот видеозапис. Следна е „Мајка“, исто така со видеозапис. Најновата песна со спот е со наслов „Зошто“.
Автори на текстовите на песните кои ги пеат Илина и Јована се Кристина и Сашо Николовски, а музиката и аранжманот се дело на нивниот татко Сашо, кој подолго време се занимава со музика и компонирање.
