Брендот „Yema“ отсекогаш бил уникатен во светот на хорологијата, и веќе речиси 80 години нуди модели со изразен француски карактер, и во дизајнот и во ознаките.
Добро се познати нивните модели „Superman“ и „Yachtingraf“, а најновиот модел го носи името „Yema x seconde/seconde/ Yachtingraff“.
На прв поглед, се чини дека станува збор за омаж на авангардниот модел „Yachtingraf Croisière“ од 1968 година, но брзо станува јасно дека тоа не е баш така. Дизајнерот Ромарик Андре му дава на овој класик пресврт во правец на „улични каубои“.
Во фокусот е подбројчаникот, кој останува срцето на дизајнот, но овојпат има рачно боена завршница што имитира графити. Бојата е нанесена во дебел слој, а стрелките се дизајнирани да се вклопат со истиот стил.
Испечатениот текст „Yema Yachtingraff“ кај ознаката 12 часот добива дополнително „F“, бидејќи, како што вели брендот – „правилата се тука за да се префарбуваат“.
За да се усогласи новата естетика на бројчаникот со остатокот од часовникот, копчињата се паметно дизајнирани да личат на црвени и сини лименки спреј. На задната страна од куќиштето е гравиран натписот „La Croisière, ma muse“ (франц. „Крстарењето, мојата муза“).
Станува збор за игра на зборови инспирирана од насловот на американска ТВ серија од 1970-тите и 1980-тите, која во Франција се прикажувала под името „La croisière s’amuse“.
Што се однесува до техничките спецификации, часовникот има димензии 38,5 mm x 10,53 mm, и користи „Seiko VK63 meca-quartz“ механизам. Моделот „Yachtingraff“ чини 450 евра, а нарачките веќе се отворени. Првите испораки се очекуваат во септември.
