Постојат едноставни и бесплатни трикови со кои можете да ја намалите температурата на вашиот лаптоп, без потреба од скапа опрема. Еве неколку практични совети што можете да ги примените веднаш – сè што ви треба е малку волја.

Исчистете ги отворите за вентилација

Правот е главен непријател на ладењето. Искористете правосмукалка (на најниско ниво), четка или компримиран воздух за да ги исчистите решетките на куќиштето или долната страна на лаптопот.

Подигнете ја задната страна на лаптопот

Ставете пенкало, гумен подлошка или било што друго под задниот дел од лаптопот за да овозможите полесна циркулација на воздух. Ова може значително да помогне во намалување на температурата.

Затворете ги непотребните програми

Колку повеќе апликации работат во заднина, толку повеќе процесорот се оптоварува и се загрева. Затворете ги непотребните табови во прелистувачот, исклучете апликации и користете го „Task Manager“ за да запрете сè што не е неопходно.

Избегнувајте користење на кревет или перница

Меките површини ги блокираат вентилациските отвори. Секогаш користете лаптоп на цврста и рамна подлога.

Променете ги поставките за перформанси

Во „Control Panel“, па во „Power Options“, изберете „Balanced“ наместо „High Performance“ за да се намали потрошувачката на ресурси и да се задржи уредот поладен.

Ажурирајте ги драјверите

Застарени драјвери за графичката картичка или процесорот може да предизвикаат прекумерно загревање. Редовно ажурирајте го системот и драјверите преку официјални извори.