Во светот на богатите наследници и успешни жени во политиката, ретко која врска доби толку внимание како љубовната приказна на Александер Сорос и Хума Абедин.
Оваа романса ги спои двајцата луѓе чии животи со децении се одвиваа под светлата на рефлекторите, но кои, и покрај ова, се обидоа да ја започнат и изградат својата љубов во најприватни можни рамки.
Третиот син на милијардерот Џорџ Сорос, Александар, денес ја носи титулата претседател на Управниот одбор на Фондацијата „Open Society“ организација што ја основал неговиот татко и која има глобално влијание.
Роден во семејство кое со генерации се занимава со филантропија и финансии, Александер се школувал на престижни универзитети како што се Беркли и Универзитетот во Њујорк, а денес живее во срцето на Њујорк, на Менхетен. Иако пораснал во сенка на моќен татко, успеал да изгради свој професионален идентитет и кариера.
Неговата избраничка, Хума Абедин, не е непознато име. Родена во семејство на имигранти од Индија и Пакистан, го поминала детството во Саудиска Арабија, а потоа се вратила во Америка каде, благодарение на своето образование и политички ангажман, изградила завидна кариера.
Имено таа станала една од најдоверливите соработници на Хилари Клинтон и важна фигура во Американската демократска партија. Има син од претходниот брак, а улогата на мајка и кариерата во политиката отсекогаш оделе рака под рака за неа.
Двајцата почнале да се забавуваат во пролетта 2024 година, а во јуни 2025 година решиле да стапат во брак. Иако планирале скромна и приватна церемонија, фактот дека се дел од политичката и општествената елита ја направи венчавката „настан на годината“.
Местото на прославата – луксузниот Хемптонс, место за собирање на американската елита – беше совршена сцена за раскошна прослава. Меѓу гостите беа членови на семејството Клинтон, потпретседателката Камала Харис, модната уредничка Ана Винтур, како и Ники Хилтон-Ротшилд. Бендот „Boyz II Men“ беше задолжен за атмосферата, а „Vogue“ ексклузивно го следеше секој детаљ.
Меѓутоа интересно е што таткото на Александер, Џорџ Сорос, не присуствувал на главниот дел од венчавката, а веројатно поради неговите години – тој има 94 години. Сепак, тој бил дел од посебна, интимна религиозна церемонија што се одржа во неговата вила во Саутемптон.
Таму, младенците ги испочитуваа и еврејската и исламската традиција од кои потекнуваат, што ја направи нивната свадба не само раскошна, туку и симболично богата и длабоко лична.
Хума блесна во венчаница од Живанши, додека на забавата носела впечатлив фустан од „Marchesa“, додека Алекс се одлучил за класичен син смокинг од Диор.
Нивното „да“ беше повеќе од само брачен завет – тоа беше порака за толеранција, моќта на љубовта и сојузот на две силни биографии кои заедно влегуваат во ново поглавје.
Нивниот брак е во многу погледи, обединување на два света: финансиска моќ и политичко влијание, лични вредности и глобално влијание. И додека нивната љубов трае само малку повеќе од една година, начинот на кој ја крунисаа зборува за зрелост, почит и решителност да изградат заедничка иднина – далеку од сензационализам, но сепак под рефлекторите на светот.
