„Тренирам, се хранам здраво и сум на врвот на светот – светски шампион. Доаѓам од ништо, и бескрајно сум благодарен што можам да инспирирам млади генерации со мојот пример. Не е важно од каде доаѓате, сè додека знаете каде сакате да стигнете и имате цел. Луѓе, ве молам, верувајте во вашите соништа и следете ги. Работете за нив – сè е возможно! Ако јас успеав, можете и вие!“

Особено се истакнува неговата физичка подготвеност. Интензитетот и темпото што го одржува во борбите се реткост во светот на ММА. Додека некои ја припишуваат неговата кондиција на генетиката, Двалишвили тоа категорично го отфрла, потенцирајќи дека сè е резултат на труд и дисциплина.

„Не сум нешто посебно талентиран“

„Сè е труд, секој ден одново. Тренингот за мене е на прво место – да се разбудам и да тренирам. Дозволете ми да ви кажам нешто – не сум нешто посебно талентиран. Некои велат дека мојата кондиција е од генетика. Не е вистина. И јас се заморував порано. Бев млад и често не знаев што да правам. Пушев глупави цигари, понекогаш и трева. Секако дека таквите нешта се лоши за белите дробови и за кондицијата. Мислам дека мора да живееме здраво. Некои луѓе имаат здравствени проблеми и им требаат лекови – тоа го разбирам. Но јас не користам ништо од тие глупости. Пијам само вода и јадам здрава храна“, објасни Двалишвили.

Во моментов, тешко е да се предвиди кој би можел да го прекине неговиот победнички низ. Како следен можен противник се споменува Кори Сендхејген, кого и самиот Мераб го издвојува како сериозен предизвикувач. Иако Сендхејген е технички извонреден борец, Двалишвили е познат по тоа што секогаш наоѓа начин да победи.