Португалија по вторпат излезе како победник во четвртото издание во Лигата на нации, и тоа откако денеска во големото финале го победи актуелниот европски шампион.
Шпанија на двапати водеше на „Алијанц арена“ и се чинеше дека е поблиску до својот втор трофеј, но на крајот тоа го направија Португалците кои на крајот имаа повеќе нерви, но и повеќе среќа.
„Црвената фурија“ доаѓаше до предност со погодоците на Зубименди и Ојарзабал, но тимот на Роберто артинез во два наврати се враќаше преку Нуно Мендеш и Кристијано Роналдо.
Капитенот на Португалија постигна гол кој беше исклучително важен во вториот дел, а бидејќи немаше победник по 90 минути игра, натпреварот отиде во дополнителни 30 минути.
Двете селекции прилично тактизираа и едвај ги чекаа ударите од 11 метри, па во пенал рулетот како клучна се покажа одбраната на Кошта во соочувањето со Мората, кој на крајот е трагичар на Шпанците во второто финале во Лигата на нации.
