Иако сите функционираме различно, експертите предупредуваат дека постојаното прескокнување на појадокот може да го наруши природниот ритам на организмот.

„Ако веднаш не внесете калории, ќе ги внесете подоцна – но што, кога и како јадете, исто така, има големо влијание врз вашите здравствени цели“, објасни диететичарката Ешли Коф за „SheFinds“.

Иако одложеното внесување храна може да биде корисно во некои ситуации, Коф предупреди: „Ако го започнете денот со стрес, кофеин или додатоци без храна, вашето тело ќе ви го покаже тоа преку разни знаци на незадоволство“. Таа исто така вели дека стратегијата за поместување на првиот оброк со цел покасно консумирање на калории, речиси никогаш не функционира, особено на долг рок“, бидејќи може да го оптовари инсулинскиот одговор и метаболизмот.

Пристапот кон исхраната треба да биде индивидуален и приспособлив

Додека некои луѓе, особено мажите, можат да имаат корист од прескокнување на појадокот преку практики како што е повременото постење, други – особено жените – можат да почувствуваат негативни последици. Кај нив, ова може да доведе до хормонски нарушувања како што се кортизолот и инсулинот, замор, зголемена желба за храна, промени во расположението, па дури и хормонален дисбаланс.

Многумина исто така забележуваат зголемен глад подоцна во текот на денот, што често води до прејадување или лош избор на храна.

Доколку наутро не сме гладни, тоа не мора да значи дека не ни треба појадок. Коф вели дека е важно во тие моменти да се истражи причината за тоа: „Тоа се клучни информации за вашето тело – дигестија, спиење, активност и исхрана – што треба да се земат предвид.“

На долг рок, пристапот кон исхраната треба да биде индивидуален и приспособлив, бидејќи она што им помага на некои луѓе може да им наштети на други. За повеќето луѓе, појадокот останува важен дел од нивната секојдневна рутина – не поради правилата, туку поради тоа како телото реагира на него.