Повеќето од нас ја мијат косата еднаш или двапати неделно, но што ако интервалот помеѓу миењето е подолг? Одговорите на овие сомнежи ги презентираше козметологот и претставник на Американското здружение за козметологија, д-р Стивен Лајн.

Тој наведува дека немиењето на косата подолго од една недела може да биде и добро и лошо во зависност од состојбата на скалпот и косата и истакнува дека ќе ги забележите следниве работи:

Првото нешто што ќе го забележите е зголеменото количество на масло на косата, бидејќи скалпот имал можност, или време, да ги произведе овие природни масла. Тие можат да ја нахранат косата и да и обезбедат влажност, па таа ќе изгледа посјајно и поздраво – вели тој.

Како резултат на тоа, ќе забележите некои промени во текстурата на вашата коса - што може да биде благослов или проклетство во зависност од типот на вашата коса.

Зависи каква коса имате

Ако имате брановидна коса, прескокнувањето на миењето може да помогне бидејќи ќе ја зајакне природната текстура на вашата коса. Но, ако имате мрсен скалп и коса, акумулацијата на маснотии може само да ги влоши работите, правејќи ја вашата коса да изгледа помрсна.

Косата може да пукне од многу причини, поради лош третман, исхрана, стрес и здравствени проблеми.

Д-р Лајн наведува дека честото миење на косата може да биде дополнителна причина.

Ако не ја миете косата долго време, на неа ќе се наталожат масла, нечистотија и мртва кожа, но и на скалпот. Тоа може да доведе до иритација на скалпот, што ќе чеша и ќе се лупи вели докторот.

Тој додава дека може да дојде до прекумерен раст на бактерии или габи доколку скалпот е влажен и на него има остатоци од мртви клетки на кожата кои можат да предизвикаат инфекции и непријатен мирис. Дури и опаѓањето на косата може да биде последица на ретко миење.