Критично загрозен црн носорог удрил во автомобил со туристи и го пробил со рогот за време на самостојно сафари во Намибија.
Шокираниот персонал на туристичката агенција „Etosha Salt Pan Adventure“ набљудувал како се одвива застрашувачкиот инцидент во Националниот парк Етоша на 19 септември.
Носорогот повеќепати се залетува и удира во возилото, забивајќи го рогот во каросеријата и оставајќи го автомобилот оштетен, додека работникот задолжен за дивите животни, кој снима од друго возило, може да се слушне како на француски јазик го повикува возачот да избега и го критикува затоа што стои во место.
Додека зборува на снимката, може да се слушне како човекот саркастично вели, очигледно критикувајќи го другиот возач: „Навистина. Секоја чест. Браво. Тоа е тоа. Токму така“.
„Тој во моментов не разбира. Првпат гледа вака дезориентирано животно и би требало да си замине“, додале тие.
„Но, тој е токму тука. Ете ти сега. Требаше веќе да си замине. Ова е само претстава“.
Снимката ја направил гостин на сафари-компанијата, која ги предупреди останатите посетители за опасностите од црните носорози.
„Ова е лудо потсетување дека самостојното сафари не е посета на зоолошка градина“, изјавил менаџерот.
„Ова видео е снимено во моментот кога црн носорог нападнал турист за време на самостојно сафари во паркот. Дивите животни во еден момент можат да изгледаат мирно, а веќе во следниот да станат исклучително опасни“.
Компанијата навела дека носорогот давал предупредувачки знаци пред нападот, но дека патниците во автомобилот не ги забележале.
„Носорозите често даваат предупредувачки знаци, особено црните носорози, но важно е тие знаци да не се сфаќаат како гаранција“, додале тие.
„Црниот носорог може да реагира многу брзо, особено ако е изненаден или се чувствува загрозено“.
Компанијата апелирала до посетителите да ги користат услугите на искусни локални водичи и да ги почитуваат правилата на паркот.
Црниот носорог („Diceros bicornis“) на Црвената листа на „IUCN“ е наведен како критично загрозен вид, а Намибија е дом на една од најголемите преостанати популации од овој вид.
Самостојното сафари („self-drive safari“) подразбира посетителите да изнајмат сопствено возило – најчесто теренско возило со погон на сите четири тркала – и самостојно да возат низ националните паркови без придружба на професионален водич. Овој вид патување овозможува целосна слобода при истражувањето на дивината и флексибилност во организирањето на времето, но носи и значителна одговорност. Возачите мора самите да го проценуваат теренот, да ги почитуваат строгите правила на паркот и да знаат како безбедно да се однесуваат во близина на потенцијално опа
