Имено таа објавила фотографија на која позира во црн костим за капење пред огледало, а носела и шорцови и капа. Нејзините следбеници коментирале дека многу ги потсетува на нејзината мајка во помладите денови.

До неодамна, изгледот на 20-годишната Клементин беше непознат. Нејзината мајка, во договор со сопругот, сите овие години ја штитела приватноста на своите деца, а откако наполнила 18 години, Клементин направила свој профил на Инстаграм кој е отворен за јавноста. Моментално ја следат 27 илјади луѓе. На социјалните мрежи таа објавува фотографии од нејзините патувања, модни настани, ресторани …

Во моментов живее во Њујорк

Клементин Попи Вон е ќерка на Шифер и британскиот филмски режисер Метју Вон. Родена е на 11 ноември 2004 година во Лондон. Пораснала во Сафолк, Англија, каде што развила страст за цртање и фотографија.

Моментално живее во Њујорк. Нејзиниот стил на облека го одразува влијанието на нејзината мајка, често комбинирајќи винтиџ парчиња со модерни трендови.

Покрај Клементин, познатата манекенка го има и синот Каспар и ќерката Косима, кои исто така ги добила со Метју. Парот е во брак од 2002 година, а приватниот живот го чуваат подалеку од очите на јавноста.

Шифер е германски супермодел, актерка и модна икона. Светската слава ја стекнала во 1990-тите со Наоми Кембел, Синди Крафорд и Линда Евангелиста. Таа стана препознатливото лице на брендот Шанел и има украсено повеќе од илјада насловни страници на списанија ширум светот. Покрај манекенската кариера, таа се испробала и во актерството и дизајнот.