Американската пејачка со албанско потекло, Биби Реџа, беше една од познатите личности кои се појавија на овогодишната Мет Гала, а нејзиното издание привлече големо внимание.
Освен пофалби за нејзината модна комбинација, таа доби и критики од нејзината колешка, раперката Азеалија Бенкс, која предизвика бурни реакции со нејзиниот коментар.
„Сестро, изгледаш како да користиш хормонален контрацептивен имплант или нешто слично. Ми наликува на импланон/нуваринг што треба да се извади или на депо-инекција што мора да се прекине (не се обидувам да те навредам)“, напиша Бенкс на мрежата Икс.
Sis gives me - hormonal birth control implant or something. It’s giving implanon/nuvaring she needs removed or depo shot that needs to stop happening (I’m not even tryna play her) https://t.co/BnqqHKhGq2
— Azealia Banks (@azealiaslacewig) May 6, 2025
Набргу потоа, Биби Реџа се огласи и со јавноста ја сподели својата болна интимност – дека имала спонтан абортус.
„Имам синдром на полицистични јајници и се борам со неплодност. Забременив, но не успеа и таа болка ја носам во тишина. Никому не му должам објаснување, но можеби сега двапати ќе размислиш пред да коментираш за нечие тело“, ѝ порача Реџа на раперката и додаде дека можеби таа треба да посети психотерапевт во објавата која во меѓувреме ја избришала.
Од друга страна Азелија потоа ѝ упати совет: „Мене ми помогна Лексапро. Нешто што ќе ти помогне со таа длабока тага и хаос што го репродуцираш. Исцелувањето на сите им прилега добро“, одговори раперката.
