Ви го претставуваме „Elongation“, модифицираната верзија на "Tesla Cybertruck" во изведба на познатата тјунерска компанија "Mansory".

Дали ова е омаж на Илон Маск? Двосмислена игра на зборови? Или едноставно – грдо?

Како и секогаш, "Mansory" остана доследен на својот препознатлив стил. "Cybertruck", кој веќе е познат по својот не’рѓосувачки челичен дизајн, сега е збогатен со бројни карбонски детали, благодарение на германскиот тјунер, пишува "Motor1".

Екстремна трансформација на екстериерот

Предниот и задниот браник се целосно заменети и сега се опремени со аеродинамични крилца, отвори за вентилација и дифузери.

Страничните делови ги поврзува мозаик од карбонски прагови и проширувања на калниците.

"Mansory" модификацијата вклучува и:

• Карбонски ретровизори

• Хауба со вентилација – исто така од јаглеродни влакна

• Лажни отвори за воздух на C-столбовите

• Мал заден карбонски спојлер – незаменлив потпис на "Mansory"

Но, тоа се само карбонски делови без осветлување. Предниот дел на "Cybertruck" сега има огромна плоча од карбон со осветлен "Mansory" логотип во средината.

Задните врати на багажникот не се целосно заменети со јаглеродни влакна, но добиле карбонски покрив со осветлување. Тука е и LED светлосна лента над ветробранското стакло – секако, со уште повеќе карбонски влакна.

Тука се и 26-инчните алуминиумски тркала, дизајнирани така што изгледаат како да се изработени од карбон.

Внатрешност: Футуризам или кич?

Во кабината комбинира сива и бела кожа со жолти акценти. Тука се и карбонски облоги на праговите, перфорирана кожа на седиштата и, се разбира, "Mansory" брендирање.

Mansory не открива детали, но со оглед на сè, многу е веројатно и педалите да се од карбонски влакна. Секако, купувачите можат целосно да го персонализираат возилото.