Муслиќ на почетокот на оваа година го наследи легендарниот Вејн Руни во Плимут. Во досегашните шест натпревари забележа две победи, две нерешени и два порази. Муслиќ е роден на Бихаќ, а речиси целата своја играчка кариера ја помина во Австрија каде настапуваше за клубови од прва до петта лига. Неговиот единствен клуб надвор од Австрија беше Новаља од Хрватска, за кој настапуваше во сезоната 2002/03.

„Ова е најголемиот момент во мојата кариера“

По натпреварот тој даде изјава за медиумите: „Обично сум добар со зборови, но моментално немам премногу. Емоциите се огромни. Ова е најголемиот момент во мојата кариера. Нема сомнеж за тоа бидејќи ова е ФА Купот, а ние го победивме Ливерпул. Најголемиот момент сепак ќе биде кога ќе се спасиме од испаѓање“.

Тоа е мојата цел и мислите и душата ми се целосно во неа. Сепак, ова е голем ден за „зелената армија“ и сакам сите да слават на вистински начин. Ќе си одам дома, ќе го гледам натпреварот повторно, ќе јадам начос и ќе пијам Фанта. Здодевно ми е. Планот беше да се браниме организирано и храбро. Знаевме дека тоа ни доаѓа во поголемиот дел од натпреварот и тоа беше огромна задача.

Ги гледав неодамна против Тотенхем и изгледаа незапирливо. Верувавме во себе. Им кажав на играчите дека нема причина да се плашиме и дека немаме што да загубиме. Игравме за историјата и никој не може да ни ја одземе оваа победа“.

Видеото од соблекувалната откри што им рекол на играчите: „Само дајте ми 45 секунди, разговаравме многу пред и за време на натпреварот. Знајте едно, овој ден ви припаѓа вам. Напишавте нова страница во историјата на Плимут. Ние сме дел од неа сега. Никој не може да ви го одземе тоа. Уживајте во овој ден и оваа вечер и обидете се да продолжите со оваа насока во среда.

Потоа почнуваме одново. Ако имаме своја структура и ја наполниме со цврстина и интензитет, можеме да се натпреваруваме со која било ебана екипа во светот. Уживајте денес, утре ќе се вратиме во целосна работа“.

Стигна до Англија преку Австрија и Белгија

Муслиќ ја започна својата тренерска кариера во 2018 година како привремен тренер на австриски Рид, а подоцна го предводеше Флоридсдорфер од Виена, а потоа повторно Рид. Во октомври 2021 година, тој стана помошник тренер во Серкл Бриж, а една година подоцна и главен тренер. Белгискиот клуб го предводеше до четвртото место на табелата минатата сезона и до нивниот прв настап во Европа по 14 години.

Во пресрет на натпреварот против Ливерпул, тој се отвори во интервју за "BBC" и зборуваше за животот во егзил во Австрија. „Моравме да ги напуштиме Босна и Бихаќ, нашиот роден град, буквално преку ноќ, зграпчувајќи ги работите што можете да ги носите во вашите раце. Оттаму започна нашето патување, поточно нашиот нов живот. Се бориме цел живот, и оваа борба е дел од моето патување, и затоа секогаш сум многу оптимист и многу позитивен“, рече Муслиќ, кој го напушти Бихаќ во 92-година.