Неговото семејство, особено неговиот татко кој бил неговиот прв учител, одиграл клучна улога во развојот на неговиот талент. Рано го препознал потенцијалот на момчето и му ја разбудил љубовта кон музиката.

Неговата посветеност на музиката брзо го издвоила од своите врсници, а Русија првпат го запозна во шоуто за таленти „Minute of Fame“, каде со својот настап ги воодушеви жирито и публиката. И покрај возраста, тој се натпреварувал подеднакво со постарите учесници и докажал дека е вистински талент.

Стана глобална сензација

Наскоро, Љоња се здоби со признание во Русија, а на само три години стана вистинска светска сензација.

Во придружба на симфонискиот оркестар од Новосибирск, како тригодишен тој ја изведе познатата композиција на Жак Офенбах „Орфеј во подземјето“ и ја остави публиката без здив. Неговиот настап, полн со енергија, прецизност и чувство за музика, се памети и денес, бидејќи на сцената Љоња пленеше не само со своите музички способности, туку и со својот шарм.

Облечен во елегантна облека со машна, тој изгледаше гордо додека седеше на тапаните. Притоа, за време на настапот свиреше без музичка нотација, лесно следејќи го темпото и промените, а публиката го награди со громогласен аплауз.

Покрај тоа што одлично го водеше оркестарот низ предизвикувачката композиција, Љоња изведе и впечатлив соло дел, по што публиката побара бис. Диригентот го врати на сцената за да го земе поклонот, додека неговите родители гордо го гледаа секој момент – татко му зад сцената и мајка му од публиката.

И денес тој е инспирација за многумина.

Затоа Љоња Шиловски не само што стана симбол на талентот и посветеноста, туку и инспирација за сите кои веруваат дека со напорна работа и љубов кон она што го работите, се е можно.

Судејќи според неговиот Инстаграм профил и објавите во изминатите неколку години, Љоња останал верен на своите тапани, музика и настапи.