„Тие суптилни, подли измами можат полека го нарушат темелот на довербата, оставајќи ги дури и најбитните односи во урнатини“, изјави Бернстеин за „Psychology Today“.

Според психологот ова се четирите најголеми лаги коишто ги уништуваат љубовните односи и можат да доведат до скршени срца.

„Сè е во ред“

„Оваа лага честопати се користи за да се одбегнат караници, но таа всушност создава оддалеченост помеѓу партнерите. Негирањето на вистинските чувства го оневозможува партнерот да ве разбере и поддржи, а на крајот доведува до емоционално одвојување и потенцијална катастрофа“, предупредува психологот.

„Не е толку голема работа“

Минимизирањето на сопствените чувства или постапки, кај партнерот предизвикува незадоволство и насобрани проблеми. Берстеин потенцира: „Кога се премолчуваат ситниците коишто всушност ве измачуваат, тие можат да се развијат во поголеми проблеми кои ќе станат невозможни за решавање“.

„Јас можам да го/ја сменам“

„Верувањето дека можете да го смените партнерот може да доведе до разочарување. Луѓето можат да се сменат, но промените мораат да дојдат одвнатре, а не поради туѓите очекувања. Оваа лага честопати резултира со фрустрација откритие дека сте вљубени во идеализирана верзија на вашиот партнер, а не во неговата вистинска личност“, вели психологот.

„Не треба да разговараме за тоа“

Одбегнувањето на тешки разговори под изговор дека „не треба да разговараме за тоа“ е деструктивно.

„Комуникацијата е клучна за секој успешен однос, а одбегнувањето на проблемите доведува до поголеми недоразбирања и емоционална оддалеченост. Значи овие четири лаги можат полека да ја уништат љубовта и довербата во врската. Посветеноста кон искрена комуникација е клучно за зачувување на врската. Само така можете да изградите љубов којашто ќе биде отпорна и вистинска“, додава Бернстеин.