Пред 10 години, славниот тенисер даде и корисни совети за здравата храна, како и одлични рецепти и 14-дневен план за исхрана без глутен.

Посебно е интересно што во оваа книга Новак откри дека една од редовните намирници на неговата чинија е новозеландскиот манука мед. 37-годишниот тенисер го консумира така што секое утро јаде по две лажички со голема чаша вода на собна температура. Тој, исто така, понекогаш го зема во текот на денот, како и на теренот помеѓу сетовите.

Што е всушност манука мед и какви придобивки има во споредба со обичниот мед?

Манука медот е посебен вид мед кој потекнува од Нов Зеланд и Австралија, а се добива од цветот манука (Leptospermum scoparium), автохтоно растение од овој регион. Се истакнува по своите уникатни хемиски и антибактериски својства, што го прави ценето во светот на здравјето и исхраната.

Експертите велат дека е 50 пати подобар од обичниот мед. Тоа би значело дека употребата на една лажичка манука мед има ист ефект врз нашиот организам како 50 лажички традиционален мед. Препорачаната доза е 2-3 лажички на ден.

Хемиски состав и антибактериски својства

Главната карактеристика на медот манука е неговото високо ниво на метилглиоксал (MGO), природна супстанција која има силни антибактериски својства. Оваа супстанција е присутна во медот манука во повисоки концентрации отколку во повеќето други видови мед, што го прави ефикасен во борбата против бактериите, особено во контекст на рани и инфекции.

Покрај MGO, манука медот содржи и други состојки како што се водород пероксид и фактори за раст, кои исто така придонесуваат за неговите антибактериски својства. Овие компоненти заедно го прават манука медот уникатен во споредба со другите видови мед.

Здравствени придобивки од манука медот

1. Антимикробни својства: Благодарение на високото ниво на MGO, манука медот е ефикасен во борбата против различни бактерии, вклучувајќи ги и оние кои се отпорни на други видови третмани.

2. Поттикнување на зараснување на раните: Примената на медот на раните може да го забрза процесот на заздравување и да го намали ризикот од инфекции. Ова својство е особено корисно кај повреди, изгореници и хируршки рани.

3. Подобрување на здравјето на дигестивниот систем: Манука медот се користи и за подобрување на здравјето на дигестивниот систем, како што се намалување на симптомите на гастритис, жиговина и синдром на иритабилни црева.

4. Антиоксидантни својства: Манука медот содржи антиоксиданти кои помагаат во неутрализирање на слободните радикали, а со тоа придонесуваат за целокупното здравје на телото.

5. Поддршка на имунолошкиот систем: Редовното консумирање на манука медот може да го зајакне имунолошкиот систем и да му помогне на телото да се бори против инфекциите.

Како да го користите манука медот?

Може да се зема орално како дел од секојдневната исхрана. Додавањето на манука мед во чај, јогурт или користењето како засладувач во различни јадења се популарни начини на консумирање.

Исто така може да се нанесува директно на кожата за лекување на рани, изгореници или кожни проблеми.