Модната куќа „Валентино“ ја претставила новата колекција, а фустанот којшто во кампањата го носи американската манекенка Каја Гербер, на ревијата го носела Србинката Тамара Калиниќ.
Модната недела во Париз ни донесе многу интересни модни моменти на модната писта, а со еднакво внимание се следат и стајлинзите на гостите на ревијата на популарните брендови.
Една од оние чиј стил е во фокусот е и Србинката Тамара Калиниќ, планетарно популарната инфлуенсерка со адреса во Милано која посетила некои од најважните настани изминативе денови.
Нејзе можевме да ја видиме во разни варијанти, а едно од најубавите изданија го носела на претставувањето на новата колекција на модната куќа „Валентино“ која беше одржана вчера во Париз.
Тамара на ревијата пристигнала во бел, мини-фустан, модел со рамки и прорези.
Фустанот е текстуриран, украсен со прекрасен цветен релјеф, а станува збор за модел со којшто манекенката Каја Гербер неодамна ја најави новата кампања и колекција на модната куќа „Валентино“.
Српската инфлуенсерка фустанот го носела со салонки од истиот бренд кои имаат ефектни цветови во предниот дел, како и со минијатурна бела чанта „Валентино“.
Како што соопштила оваа модна куќа на својата страница, во новата колекција женското тело се слави со полесни модни парчиња, тесни силуети, а зад неа повторно се запишува директорот на „Валентино“, Пјерпаоло Пичиоли.
Во неговата кампања ќе ги гледаме Каја Гербер, ќерка на Синди Крафорд, јужнокорејската актерка Сон Је-Јин и тајванската сензација Џолин Чаи.