Меѓу нив постои една марка која одлучила да направи исчекор и да ги ископира дизајните на повеќето модели од Западот. Веќе на почетокот за име на компанијата го избрале „Мецидес“, што звучи многу слично на славната марка од Штутгарт. Дури и интернет пребарувачите ќе ве прашаат „Did you mean Mercedes“, кога ќе се обидувате да го напишете името на кинеската марка.

А тие во својот асортиман имаат и минијатурни реплики на бројни модели. Притоа не бирале само еден сегмент, туку копирале се, од суперлуксузни автомобили, преку SUV возила до класични компактни модели.

Нема што не ископирале

Погодувате, основата е секогаш сита, а вклучува мал електромотор од 10 kW и 72-волтна мрежа. Поставени се 13-инчни челични тркала, а тежат околу 700 килограми. Овие луксузни копии вклучуваат и сè уште непостоечки „Bugatti SUV“, „Aston Martin DBX“, како и „Porsche Cayenne“ и „Macan“. Се копирало и „911“, а во понудата има и реплика на „Maserati Grecale“.

Во доменот на теренците се нуди „Ford Bronco“, „Suzuki Jimny“, „Mercedes G klasse“, па и реплики од американските камионети. Интересно е дека „Мецидес“ одлучил да ги копира и домашните кинески модели.

Од техничка страна автомобилите се долги од 3 до најмногу 3,8 метри, а сите имаат диск кочници на сите тркала. Повеќето имаат електромотор од 10 kW и 8 Nm, а некои имаат помоќна опција од 20 kW и 140 Nm.

Цената не е позната, но судејќи по снимките од производството, интересот е голем.