Колку често ги проверувате гумите? Секако, премногу ретко, ако го прашате германскиот автоклуб (ADAC). Експертите од автоклубот советуваат да се мери притисокот во гумите на секои две недели. Дури и половина бар пониско од пропишаната вредност ги менува возните карактеристики на автомобилот, на пример, растојанието за сопирање се зголемува, а се влошува и влегувањето во свиоци.
Поголемиот отпор на тркалање на гумите значи дека се троши до 0,3 l повеќе гориво на 100 km. Поради ова, секоја година во Европа се трошат три милијарди литри гориво. Доколку притисокот во гумите е превисок, тоа негативно влијае на удобноста при возењето, а абењето е исто така нерамномерно, пишува "Revija HAK".
Точниот притисок во гумите може да се најде на различни места:
- во упатството за употреба
- Б-столбот на возачката врата
- на налепницата во преградата за ракавици
- на веб-страницата на производителот.
„Од причини за удобност, производителите обично одредуваат само минимален притисок. Зголемувањето од 0,2 бари е едвај забележливо во однос на комфорот, но ја намалува потрошувачката на гориво без да ја наруши безбедноста“, советува експертот од "ADAC", Рупрехт Милер.
Најдобро е да го измерите притисокот во гумите пред да возите или откако ќе возите неколку километри. Надворешната температура од 20 степени Целзиусови е идеална.
